எப்பவும் உடல் வலி, சோர்வு... அது வைட்டமின் டி குறைபாடு

முதுமையில் ஊட்டச்சத்து குறைபாடு பல சிக்கல்களை ஏற்படுத்தக்கூடும். வயதாகிவிட்டது இனி நமக்கு என்ன என்று இருக்காமல், சத்தான உணவுகளை எடுக்க வேண்டும்.

வயது காரணமாக சில சத்துக்கள் உருவாகும் தன்மை இயல்பாகவே உடலில் குறையும். அதற்கேற்ப சத்து மருந்துகளை டாக்டர்கள் பரிந்துரைப்படி எடுப்பது அவசியம்.

எலும்பு அடர்த்தியை சமநிலையாக வைக்க வைட்டமின் டி சத்து, அவசியம். தசை செயல்பாடுகளுக்கும் முக்கியமானது. குறைபாடு உள்ளவர்கள் அடிக்கடி கை, கால் வலி, உடல் வலி என்பர்.

தோலில் சூரிய ஒளி பட்டு, நம் உடலுக்கு வைட்டமின் டி கிடைக்கிறது. முதுமையில், இச்சத்து உருவாகும் தன்மை குறையும் என்பதால், கவனமாக இருக்க வேண்டும்.

ஆஸ்டியோபோரோசிஸ், தசை பலவீனம், சோர்வு போன்ற நோய்களை ஏற்படுத்தும். வைட்டமின் டி குறைவதால் கால்சியம் சத்தும் உடலில் கிரகிக்கும் தன்மை குறைந்துவிடும்.

வைட்டமின் ஈ என்பது முக்கியம். இது ஒரு ஆன்டிஆக்ஸிடன்ட். மூளை, கண் ஆரோக்கியத்தை பாதுகாக்கிறது. உடலின் நோய் எதிர்ப்பு சக்தியை மேம்படுத்துகிறது.

வைட்டமின் பி12 மிகவும் முக்கியம்; மூளை மற்றும் நரம்பு மண்டலத்தின் சரியான செயல்பாட்டிற்கும், ரத்த சிவப்பணுக்கள் உருவாக்கத்திற்கும் இன்றியமையாதது.

தற்போது ரத்த பரிசோதனையில் இச்சத்துக்கள் உடலில் குறைவாக உள்ளதா என அறிந்து, அதற்கேற்ப டாக்டர் பரிந்துரையின் பேரில் உணவு,, மருந்துகள் மூலம் ஊட்டச்சத்துக்களை மேம்படுத்தலாம்.

இதனால், உடல் வலி, சோர்வு போன்றவற்றை தவிர்க்கலாம்.