கூந்தல் வளர்ச்சிக்கு உதவும் எளிய உணவுகள் சில...!

கறிவேப்பிலையில் இரும்பு, ஃபோலிக் அமிலம் உட்பட பல்வேறு சத்துக்கள் நிறைந்துள்ளன. தினமும் காலையில் நான்கைந்து கறிவேப்பிலைகளை அப்படியே மென்று சாப்பிடலாம்.

நெல்லிக்காயில் உள்ள ஆன்டிஆக்ஸிடன்ட்கள் கூந்தல் வளர்ச்சியை தூண்டுகிறது. பாரம்பரியமாக தயாரிக்கப்படும் எண்ணெய்களில் இது முக்கியப்பங்கு வகிக்கிறது.

கூந்தல் உதிர்வு, பொடுகு போன்ற பிரச்னைகளுக்கு வெந்தயம் தீர்வாக உள்ளது. கூந்தல் வேர்கால்களின் வளர்ச்சியை தூண்டுகிறது. இரவு ஊறவைத்த வெந்தயத்தை காலையில் சாப்பிடலாம்.

நிலக்கடலையில் உள்ள வைட்டமின் ஈ, துத்தநாகம், மெக்னீசியம் மற்றும் பயோட்டின் போன்ற ஊட்டச்சத்துகள் ஆரோக்கியமான கூந்தல் வளர்ச்சியை ஊக்குவிக்கிறது.

உலர்பருப்புகளில் உள்ள ஊட்டச்சத்துகள் கூந்தல் வளர்ச்சிக்கு முக்கிய தேவையாகும்; உடல் ஆரோக்கியத்தை மேம்படுத்தவும் உதவுவதால், தினமும் காலை 5 பாதாம், 1 வால்நட் என சாப்பிடலாம்.

ஆரோக்கிய உணவான கீரைகள் கூந்தல் வளர்ச்சிக்கு உதவுவதாக ஆய்வுகள் கூறுகின்றன. பொரியலாகவோ, சூப், பருப்புக்கூட்டு, ரொட்டி, தோசை போன்ற பல வகைகளில் சாப்பிடலாம்.

வெள்ளரிக்காய், எள், முட்டை உட்பட பல்வேறு உணவுப்பொருட்கள் கூந்தலின் வளர்ச்சியை மேம்படுத்த உதவுகின்றன. இவை வீடுகளில் எளிதாக கிடைக்கக்கூடும் என்பது குறிப்பிடத்தக்கது.