இன்று உலக யானைகள் தினம்!

சுற்றுச்சூழல் அமைப்பில் யானைகளின் பங்கு மிகவும் முக்கியம். ஆனால் உலகில் ஆண்டுதோறும் பல்லாயிரம் யானைகள் வேட்டையாடப்படுகின்றன.

யானைகளை பாதுகாப்பது பற்றி விழிப்புணர்வு ஏற்படுத்தும் விதமாக 2012 முதல், ஆக., 12ல் உலக யானைகள் தினம் கடைபிடிக்கப்படுகிறது.

வனப்பரப்பு குறைவது, யானைகளுக்கு தேவையான உணவு, தண்ணீர் பற்றாக்குறையும் யானைகள் அழிவுக்கு காரணமாகிறது.

இதனால் தான் சில நேரங்களில் காடுகளை விட்டு சாலை, குடியிருப்பு பகுதிகளுக்கு யானைகள் வருகின்றன.

யானைகளின் பங்கு எவ்வளவு முக்கியத்துவம் வாய்ந்தது என்பதையும், விழிப்புணர்வு ஏற்படுத்துவது மிகவும் அவசியமாகிறது.

மின்வேலிகள், ரயில் விபத்துகள், நாட்டு வெடிகளும் காட்டு யானைகள் உயிரிழப்பிற்கு காரணமாக இருக்கின்றன.

மனிதர்கள் நலமுடன் வாழ காடுகள் தேவை. காடு வளமுடன் இருக்க யானைகள் தேவை என்பதை உணர்ந்து அவைகளை பாதுகாக்க மனித சமுதாயம் உறுதியேற்க வேண்டும்.