தசைவலி காரணங்களும் நிவாரணங்களும்!
தசை வலியை மயால்ஜியா என்று அழைப்பர். புதிய உடற்பயிற்சிகளை மேற்கொண்டால், நோய் தொற்று, காயம், சுளுக்கு அல்லது பிற உடல் நலப்பிரச்னைகளால் உடலில் தசை வலி வரலாம்.
எதிர்ப்பு சக்தி இல்லாமல் வரும் நோய்த்தொற்றுகள், காயங்கள், நரம்புத்தசை கோளாறுகள், சளி, காய்ச்சல், மலேரியா, மயோசிடிஸ், லூபஸ் இப்படி பல நோய் அறிகுறியாகவும் தசை வலி இருக்கும்.
உடம்பில் சத்து குறைவதாலும், அத்தியாவசிய ஊட்டச்சத்துக்கள் இல்லாத உணவு எடுத்து கொள்வதாலும் தசைவலி வரும்.
வைட்டமின் டி அதிகம் உள்ள மீன், முட்டை மற்றும் காளான்கள் போன்றவற்றை அதிகம் எடுத்துகொள்ளலாம்.
சுளுக்கு மற்றும் தசைப்பிடிப்பு போன்ற தசை வலிக்கு, சூடான நீரில் ஒத்தடம் கொடுப்பது மற்றும் ஓய்வு எடுப்பது நிவாரணம் தரும்.
வலி உள்ள இடத்தில் ரத்த ஓட்டத்தை மேம்படுத்த ஐஸ் கட்டிகளை வைக்கலாம்.
எப்சம் உப்பு சேர்த்து சூடான நீரில் குளிக்கலாம். தைலம் கொண்டு மசாஜ் செய்யலாம்.
தசை வலி நீங்கும் வரை உடற்பயிற்சியை தவிர்க்கலாம். மன அழுத்ததால் தசை வலி வரும்பட்சத்தில் யோகா மற்றும் தியானம் போன்ற பயிற்சிகளை மேற்கொள்ளலாம்.
ஒரு வாரத்திற்கு குறிப்பிட்ட பகுதியில் வலி அதிகரித்து கொண்டிருந்தால் அவசியம் மருத்துவரை நீங்கள் பார்க்க வேண்டும்.