குழந்தைகளுக்கு சாப்பிட ஜாம் தரலாமா?

பிரெட் மட்டுமின்றி சப்பாத்தி, தோசை போன்றவைக்கும் ஜாம் தொட்டுச் சாப்பிடும் குழந்தைகள் அதிகளவில் உள்ளனர்.

ஆனால், ஜாம் ஆரோக்கியமானதா? என்றால் நிச்சயமாக இல்லை என்பது தான் டாக்டர்களின் அட்வைஸ். ஒரு டேபிள் ஸ்பூன் ஜாம் என்பது இரண்டு டேபிள் ஸ்பூன் சர்க்கரைக்கு சமமானது.

ஜாம் தயாரிப்பின் போது பழங்களிலுள்ள சில ஊட்டச்சத்துகள் அழிகின்றன. உதாரணமாக, வைட்டமின் சி போன்ற வெப்பத்தால் பாதிக்கப்படக்கூடிய ஊட்டச்சத்துகள் முற்றிலும் அழிக்கப்படுகின்றன.

கலோரிகள் அதிகளவில் இருந்தாலும், ஊட்டச்சத்துகள் குறைவாக உள்ளதால், தொடர்ச்சியாக சாப்பிடும் குழந்தைகளுக்கு, பருவ வயதை எட்டியவுடன் உடல் பருமன் அதிகரிக்க வாய்ப்புள்ளது.

மேலும், பின்னாட்களில் ரத்த அழுத்தம் மற்றும் நீரிழிவு உட்பட பல்வேறு பாதிப்புகள் ஏற்படவும் வழிவகுக்கிறது.

அதேவேளையில், அடிக்கடி ஜாமை சாப்பிடும்போது ஹார்மோன்களின் தூண்டுதலால் பிற உணவுகளை சாப்பிட தயக்கமடைவர். இதனால், தேவையான ஆரோக்கிய சத்துகள் சரிவர கிடைப்பதில்லை.

ஜாமில் ஒருசில ஊட்டச்சத்துகள் இருப்பினும், ஒரு முழு பழத்துடன் ஒப்பிடும் போது மிகவும் குறைவாகவே உள்ளது.

எனவே, சர்க்கரையின் அளவை கருத்தில் கொண்டு 8 அல்லது 10 வயதாகும் வரை குழந்தைகளுக்கு ஜாம் தருவதை முடிந்தளவு தவிர்க்கலாம் என்பது டாக்டர்களின் அட்வைஸாகும்.