கோடை மழையால் ஜலதோஷமா? இந்த வீட்டு வைத்தியங்கள் குணமாக்கும்

கொதிக்கும் தண்ணீரில் சிறிதளவு எலுமிச்சை, தேன் சேர்த்து குடித்தால் சளி சரியாகும்.

ஒரு கப் இஞ்சி டீ குடிப்பது சளி, காய்ச்சல், இருமலை சமாளிக்கக்கூடிய பழமையான பாட்டி வைத்தியம்.

தண்ணீரில் புதிதாக அரைத்த இஞ்சி சிறிது சேர்த்து நன்றாக கொதித்தவுடன், சர்க்கரை கலந்து குடித்தால் நோய் எதிர்ப்புச் சக்தி அதிகரிக்கும்.

கொதிக்க வைத்த தண்ணீரில் புதினா இலைகளைப் போட்டு நீராவி பிடித்தால் மூக்கடைப்பு, வறட்டு இருமல் குணமாகும்.

ஒரு கப் பாலில் சிறிது மிளகுத்தூள், ஒரு சிட்டிகை மஞ்சள் சேர்த்து கொதிக்க வைத்து, 3 நாட்களுக்கு சாப்பிட சளி குறையும்.

1 கப் தண்ணீரில், சிறிது துளசி இலைகள், நசுக்கிய இஞ்சி, 2 கிராம்பு, 4 மிளகு சேர்த்து கொதிக்கவிட்டு, பாதியாக வற்றியவுடன் தேன் சேர்த்து 3 நாட்களுக்கு காலையில் குடித்தால் சளி, இருமல் நீங்கும்.