சுவையான பலாப்பழ அல்வா... ஈஸியாக செய்யலாம் !

தேவையான பொருட்கள்: பலாசுளை - 20, வெல்லம் - 100 கிராம், தேங்காய் பால் - 1 கப், பச்சரிசி மாவு - 1 டேபிள் ஸ்பூன், முந்திரி - 10 நெய், ஏலக்காய் பொடி, தண்ணீர் - தேவையான அளவு.

பலா சுளைகளை விதை நீக்கி துண்டுகளாக்கி, வேக வைத்து, நன்கு அரைக்கவும்.

வெல்லத்தை பாகாக்கி, மசித்த பலா சுளைகளை சேர்த்து கொதிக்க விடவும்.

இந்த கலவையில் பச்சரிசி மாவு, தேங்காய் பால் சேர்த்து கிளறவும். அடுப்பை மிதமான தணலில் வைக்கவும்.

நன்றாக சுருண்டு வரும் போது, நெய்யில் வறுத்த முந்திரி, ஏலக்காய்பொடி துாவி இறக்கினால், சுவையான பலாப்பழ அல்வா இப்போது ரெடி.

இந்த பலாப்பழ அல்வா வித்தியாசமான சுவையுடன் இருக்கக்கூடும். அனைத்து வயதினரும் விரும்பிச் சாப்பிடுவர்.

கலர்புல்லாக வேண்டுமென்றால் சிறிது ஃபுட் கலர் சேர்க்கலாம்.