கோடையை குளிர்விக்க ஈஸி டிப்ஸ்

பதநீரில் நுங்கைத் தோலுடன் கசக்கிப் போட்டு குடித்தால், பித்தம், சூடு தணியும்; மலச்சிக்கல் சரியாகும். இதில் இரும்பு, சுண்ணாம்புச்சத்து அதிகமிருப்பதால் உடலுக்கு வலிமையைத் தரும்.

மாங்காய் துண்டுகளுடன் சிறிதளவு இஞ்சி, உப்பு, வெல்லத்தை அரைத்து வடிகட்டி, தண்ணீருடன் சேர்த்தால் மாங்காய் பானகம் ரெடி. ஹீட் ஸ்டிரோக்கை தவிர்க்க உதவும் இது.

நன்னாரி வேரின் நடுவில் வெள்ளை பகுதியை நீக்கிவிட்டு, தண்ணீரில் போட்டு நன்கு கொதிக்க வைத்து காலையில் தேன் அல்லது வெல்லம் கலந்து குடிக்கலாம்.

ஒற்றை இதழ் சிகப்பு செம்பருத்திப்பூ, இஞ்சி, புதினா, லவங்கத்தை தண்ணீரில் கொதிக்க வைத்து, ஆறவிட்டு, தேன் அல்லது வெல்லம் சேர்த்து குடிக்க இதய ஆரோக்கியம் மேம்படும்.

பழைய சாத தண்ணீரில் நிறைய பி12 வைட்டமின் உள்ளது. வாய்ப்புண், வயிற்றுப்புண்ணை போக்கும் என்பது பலருக்கும் தெரியும்; புற்றுநோய் வராமலும் தடுக்கும்.

வல்லாரை, அரைக்கீரை, சிறுகீரை, வெந்தயக்கீரை, பசலைக்கீரை என ஒன்றை இஞ்சியுடன் சேர்த்து வேக வைத்து, வடிகட்டி, தேன் கலந்து சர்பத் ஆக சாப்பிட அத்தனை சத்துக்களும் கிடைக்கும்.