இரவிலும் துல்லியமாக பார்க்க இந்த பழங்கள், காய்கறிகளை சாப்பிடுங்கள்!
சர்க்கரை வள்ளிக்கிழங்கு... இது பல்வேறு ஊட்டச்சத்துகள் மற்றும் வைட்டமின் ஏ-ன் மூலாதாரமாக உள்ளதால், வாய்ப்பு கிடைக்கும் போதெல்லாம் வேக வைத்தோ, பொரியலாகவோ சாப்பிடலாம்.
கேரட்... வைட்டமின் ஏ சத்துக்கு பிரபலமானதாகும் இது. பச்சையாகவோ, வறுத்தோ அல்லது சூப்கள் மற்றும் பொரியல்களில் சேர்த்தோ சத்தான ஊட்டச்சத்தை பெறலாம்.
கீரைகள்... இரும்புச் சத்து மட்டுமின்றி வைட்டமின் ஏ சத்தும் கீரைகளில் நிரம்பியுள்ளது. ஒரு கப் சமைத்த கீரை தினசரி பரிந்துரைக்கப்பட்ட வைட்டமின் ஏ அளவை முழுமையாக பூர்த்தி செய்யும்.
பப்பாளி... சுவையுடன் பல ஊட்டச்சத்துக்களையும் உள்ளடக்கியது. குறிப்பாக வைட்டமின் ஏ இதில் தாராளமாக இருக்கிறது. ஸ்மூத்தியாகவோ அல்லது சாலட்களில் சேர்த்தோ சாப்பிடலாம்.
ஆப்ரிகாட்... இனிப்பு, கசப்பு கலந்த பழம் இது. கணிசமான அளவு வைட்டமின் ஏ இதிலுள்ளது. உலர்ந்த ஆப்ரிகாட் பழங்களை டயட்டில் சேர்த்துக் கொண்டால் போதிய சத்தை பெறலாம்
மாம்பழம்... கோடையில் சீசனைக் கொண்ட சுவைமிகுந்த மாங்கனியில் வைட்டமின் ஏ நிறைந்து இருக்கிறது. எனவே, சீசன் நேரத்தில் தினம் ஒரு பழம் சாப்பிட்டு சுவையோடு சத்தையும் பெறுங்கள்.
பூசணி... சூப்பாகவோ அல்லது வேகவைத்தோ இதை உணவில் சேர்த்துக் கொண்டால், உங்கள் தினசரி வைட்டமின் ஏ தேவைகளுக்கு கணிசமாக பங்களிக்கும்.