கோடைக்கு குளுகுளு வெள்ளரி ஜூஸ் !

1/2 டீஸ்பூன் சப்ஜா விதைகளை தண்ணீரில் ஐந்து நிமிடங்களுக்கு ஊற வைக்கவும்.

தலா ஒரு வெள்ளரிக்காய் மற்றும் ஆப்பிளை துண்டுகளாக நறுக்கிக் கொள்ளவும். ஒரு இன்ச் அளவுக்கு இஞ்சியை பொடியாக நறுக்கவும்.

நறுக்கிய வெள்ளரிக்காய், ஆப்பிள், இஞ்சி, ஒரு கைப்பிடி புதினா மற்றும் 1/2 எலுமிச்சை பழ சாறு மற்றும் ஒரு சிட்டிகை உப்புடன் தண்ணீர் சேர்த்து மிக்ஸி ஜாரில் நன்றாக அரைக்கவும்.

இனிப்புச் சுவைக்கு தேவையான அளவு தேன் சேர்க்கலாம். இல்லாவிட்டால் தேவையான அளவு உப்பை சேர்த்துக் கொள்ளலாம்.

பின், இதை வடிகட்டி, ஊற வைத்த சப்ஜா விதைகளையும் கலந்தால், இப்போது சுவையான, ஆரோக்கியமான வெள்ளரி ஜூஸ் ரெடி.

இதில், சில ஐஸ்கட்டிகளை சேர்த்து கூலாகவும் குடிக்கலாம்.