ரம்புட்டான் பழத்தின் ஆரோக்கிய நன்மைகள் !

ரம்புட்டான் பழம், காயாக இருக்கும் போது, பச்சை நிறத்திலும், முதிர்ச்சியடையும் போது சிவப்பு அல்லது மஞ்சள் நிறமாக மாறும். இனிப்பு மற்றும் புளிப்புச்சுவை கொண்டது; மேற்புறம் முள் முள்ளாக காணப்படும்.

இதில், கலோரி, வைட்டமின் சி, இரும்புச் சத்து, நியாசின், ஆன்டி ஆக்சிடன்ட்கள், கார்போஹைட்ரேட் உட்பட பல்வேறு ஊட்டச்சத்துகள் நிறைந்துள்ளன.

100 கிராம் ரம்புட்டான் பழத்தில், 1.3 முதல், 2 கிராம் வரை நார்ச்சத்து உள்ளது. இது, ஆப்பிள், ஆரஞ்சு அல்லது பேரிச்சம்பழங்களில் உள்ள நார்ச்சத்துக்கு சமமாகும்.

எலும்பு வளர்ச்சியை மேம்படுத்தும் கால்சியம் மற்றும் பாஸ்பரஸ் சத்துக்களும் இதிலுள்ளன.

இப்பழத்திலுள்ள கார்போஹைட்ரேட், புரதம் ஆகிய சத்துக்கள், உடல் உழைப்புக்குத் தேவையான ஆற்றலை அதிகரிக்க உதவுகிறது. உடல் சீரான வளர்ச்சி பெறவும் முக்கிய பங்காற்றுகிறது.

உடலில் கெட்ட கொழுப்பை சேரவிடாமல் தடுப்பதால், ஹார்ட் அட்டாக் அபாயம் குறைகிறது. ஆஸ்துமா மற்றும் நீரிழிவு பாதிப்பை கட்டுப்படுத்துகிறது. கண் ஆரோக்கியத்துக்கும் பெரிதும் உதவுகிறது.

இரண்டு ரம்புட்டான் பழங்களை உட்கொள்வதன் மூலம், தினசரி வைட்டமின் சி தேவையை பூர்த்தி செய்ய முடியும். செல்களில் இருந்து நச்சுகளை அகற்றும் முக்கிய ஆக்சிஜனேற்றியாக, பயன்படுகிறது.

ரம்புட்டான் பழத்தை அடிக்கடி சாப்பிடுவதால், கூந்தல், தோல் மற்றும் கை, கால் நகங்கள் ஆகியவை பளபளப்புடன் இருக்கும்.

கர்ப்பிணிகள், நீரிழிவால் பாதிக்கப்பட்டவர்கள் மற்றும் உயர் ரத்த அழுத்தம் உள்ளவர்கள் இப்பழத்தை தவிர்ப்பது நல்லது.