தோலுக்கும் வயதாகும்! தவிர்க்க சில டிப்ஸ்!!
தோலில் பல அடுக்குகள் உள்ளன. மேல் தோலில் உள்ள 'எபிடெர்மிஸ்' அடுக்கில் வயதாவது ஒரு விதமாகவும், கீழ் அடுக்கில் இருக்கும் 'டெர்மஸ்' என்ற அடுக்கும், கொழுப்பும் வேறு விதமாக முதுமை அடையும்.
இப்படி தோல் முதுமை அடைவதால் தான், வயதானவர்களுக்கு தோலில் சுருக்கங்கள் ஏற்படுகின்றன. தோல் வயதாவதை, சுருக்கங்கள் விழுவதை பல விதங்களில் தாமதப்படுத்த முடியும்.
தோலின் உள்ளடுக்குகளில் ஏற்படும் முதுமையை தடுக்க, உதாரணமாக தோல் இறுக்கமாக இல்லாமல் தளர்வாக இருப்பதை தவிர்க்க, முறையாக உடற்பயிற்சி செய்ய வேண்டும்.
ஆன்டி ஆக்சிடென்ட் அதிகமுள்ள பழங்களை தினமும் உணவில் சேர்ப்பதால், ஆக்ஸ்சிடேடிவ் ஸ்ட்ரெஸ்சால் தோலில் ஏற்படும் சிதைவுகளை தடுக்கலாம்.
சுத்திகரிக்கப்பட்ட சர்க்கரை, மாவு வகைகளை முற்றிலும் தவிர்க்கவும். பாக்கெட்டுகளில் வெளிவரும் உணவுகளில் சேர்க்கப்படும் நச்சுப் பொருட்களால் தோல் விரைவில் முதுமை அடையும்.
விட்டமின் ஏ, பி, இ குறைபாடு வந்தால், தோலில் வறட்சி ஏற்படும். விட்டமின் டி, ஜிங்க் குறைபாடு இருந்தால் வாய் புண் அடிக்கடி வரும்.
தோலுக்கு விட்டமின் சி இருக்கும் ஆரஞ்சு, எலுமிச்சை, நெல்லி, திராட்சை, கொய்யா மிகவும் நல்லது. விட்டமின் சி சத்து அதிகமாக உட்கொள்வதால், நச்சுத்தன்மை எதுவும் வராது.