ஹெல்தியான பலாக்கொட்டை பொடிமாஸ்

1/4 கிலோ பலாக்கொட்டைகளை வேக வைத்து தோல் உரித்துக் கொள்ளவும்.

அதை காய்கறி துருவலில் துருவியோ இல்லாவிட்டால், மிக்ஸி ஜாரில் கொரகொரப்பாகவோ அரைக்கவும்.

பலாக்கொட்டைகள் நன்றாக சூடு ஆறியவுடன் தான் துருவினால் தான் நன்றாக உதிரி உதிரியாக கிடைக்கும். இல்லாவிட்டால் குழைந்து விடும்; சுவையும் குறையக்கூடும்.

கடாயில் சிறிதளவு எண்ணெய் ஊற்றி காய்ந்தவுடன் கடுகு, கடலைப்பருப்பு, உளுத்தம்பருப்பு ஆகியவை தலா 1/4 டீஸ்பூன் வீதம் போட்டு தாளிக்கவும்.

பின், கறிவேப்பிலை, நறுக்கிய சிறிய வெங்காயம், 5 காய்ந்த மிளகாய், 1/4 டீஸ்பூன் மஞ்சள் தூள், 1 பின்ச் பெருங்காயத்தூள், தேவையானளவு உப்பு சேர்த்து வதக்கவும்.

தொடர்ந்து, துருவிய பலாக்கொட்டைகளை சேர்த்து நன்றாக வதக்கவும்.

ஏற்கனவே, அவற்றை வேக வைத்திருப்பதால், ஒரு சில நிமிடங்கள் வதக்கினாலே போதுமானது.

பொடியாக நறுக்கிய கொத்தமல்லி இலைகளை தூவினால், இப்போது சுவையான, ஆரோக்கியமான பலாக்கொட்டை பொடிமாஸ் ரெடி.

இதில், ஒரு சில பலாக்கொட்டைகளை மட்டும் சிறு சிறு துண்டுகளாகவும் சேர்த்தால் சுவை அள்ளும்.