கொழுப்பை அதிகரிக்காத முட்டை

முட்டையில் உடலுக்கு தேவையான வைட்டமின்களும், தாதுக்களும் நிறைந்துள்ளன. குறிப்பாக அதிகளவு புரதம் உள்ளது.

இதிலுள்ள ஊட்டச்சத்துகள் உடலின் நோய் எதிர்ப்பு திறனை அதிகரிக்கிறது. இதயம், கண், மூளை ஆரோக்கியத்தை மேம்படுத்துகிறது; உடல் எடையை கட்டுக்குள் வைக்க உதவுகிறது.

தினமும் முட்டை சாப்பிடுவதால், கொழுப்பு அதிகம் சேர்ந்து ரத்த நாளங்களில் அடைப்பை ஏற்படுத்தி, இதயக் கோளாறை ஏற்படுத்துமோ என்ற சந்தேகம் பலருக்கும் உள்ளது.

தினம் 1 முட்டை அல்லது வாரத்திற்கு 5 முட்டை சாப்பிடுவதால், ரத்த அழுத்தம், ரத்த சர்க்கரையை கட்டுக்குள் வைப்பதாக, ஆய்வில் கூறப்பட்டுள்ளது.

அமெரிக்காவின் பாஸ்டன் பல்கலை சார்பில் நடந்த ஆய்வின் படி, தினமும் 1 அல்லது 2 அவித்த முட்டைகளை சாப்பிடுவதால், கொழுப்பு எந்த விதத்திலும் அதிகரிப்பதில்லை.

1 கிலோ உடல் எடைக்கு, 0.8 கிராம் - 1 கிராம் புரதம் தினமும் தேவைப்படுகிறது.

1 முட்டையில், நுாண்ணுாட்டச் சத்துகளுடன் சேர்த்து, 6 கிராம் புரதம் இருப்பது குறிப்பிடத்தக்கது.