40 பிளஸ் பெண்களின் ஆரோக்கியத்தை காக்க...!

பெண்கள் குடும்பத்தை கவனித்துக்கொள்ளும் அளவுக்கு, உடல் ஆரோக்கியத்துக்கு முக்கியத்துவம் தருவதில்லை. முதுமையை நெருங்கும் போது, மிக கவனமாக இருக்க வேண்டும்.

நாள் முழுவதும் வீட்டு வேலைகளை செய்வதால் உடற்பயிற்சி தேவையில்லை; பணியிடத்தில் மாடிப்படி ஏறி இறங்குகிறேன் என கூறுவது தவறு.

இவர்கள் வாக்கிங் அல்லது உடற்பயிற்சிக்கென, கட்டாயமாக தனியாக நேரம் ஒதுக்க வேண்டும்.

40 வயதை கடக்கும் போது, மெனோபாஸ் அறிகுறிகள் துவங்கிவிடும். கால்சியம், வைட்டமின் சத்து குறைபாடு போன்றவை ஏற்படுவதால் கை, கால் வலி, உடல் வலி ஏற்படும்.

ஊட்டச்சத்து குறைபாடுகளை கண்டுகொள்ளாமல் விட்டுவிட்டால், 50, 60 வயதுகளில் பல்வேறு நோய் பாதிப்புகள் எளிதாக தாக்கும்.

40 வயதை கடக்கும் போது, எலும்புகளில் கால்சியம் அடர்த்தி குறைந்து தேய்மானம் ஏற்படும். அதற்கேற்ப, சத்தான உணவு எடுத்துக்கொள்ள வேண்டும்.

மெனோபாஸ் சமயங்களில் தேவையற்ற கோபம், மன அழுத்தம், உறக்கமின்மை போன்ற பிரச்னைகள் ஏற்படும். இதை எதிர்கொள்ள தயாராக இருக்க வேண்டும்.

ஓரிடத்தில் எப்போதும் அமர்ந்து ஓய்வெடுப்பது, நடமாட்டத்தை அப்படியே முடக்கி விடும். சிறிய வலியாக இருந்தாலும், பரிசோதனை செய்ய தயங்கக்கூடாது.

கண், பல், மார்பகம், கர்ப்பப்பை என அனைத்து உடல் பரிசோதனைகளையும், ஆண்டுக்கு ஒரு முறையாவது செய்ய வேண்டும்.

உடலில் வைட்டமின் சத்துக்கள், கால்சியம் சத்து சார்ந்த பரிசோதனை செய்து மருத்துவர்களின் அறிவுரைப்படி, மல்டி வைட்டமின் மாத்திரைகளை எடுத்துக்கொள்ளலாம்.