பூசணிக்காய் ரோல் கேக் ரெசிபி

தேவையானப் பொருட்கள்: பூசணிக்காய் - கால் கப், சமையல் சோடா - 1 டீஸ்பூன், லவங்கப்பட்டை துாள் - அரை டீஸ்பூன், மைதா அல்லது கோதுமை மாவு - அரை கப்.

முட்டை - 3, நாட்டு சர்க்கரை - 1 கப், சீஸ் கிரீம் - 200 கிராம், வெண்ணெய் - 2 டீஸ்பூன், ஐசிங் சர்க்கரை - ஒரு கப், வெண்ணிலா எசென்ஸ், வால்நட், பாதாம், பிஸ்தா - சிறிதளவு.

தோல் சீவிய பூசணிக்காயை மிக்சி அல்லது ப்ளெண்டரில் நைஸாக அரைக்கவும்.

ஒரு பவுலில் மைதா மாவு, சமையல் சோடா, லவங்கப்பட்டை துாள் போன்றவற்றை சலித்து கலந்து கொள்ளவும்.

மற்றொரு பவுலில் உடைத்த முட்டைகளுடன், சிறிதளவு நாட்டு சர்க்கரை சேர்த்து நுரை வரும் அளவுக்கு அடிக்கவும்.

இதனுடன் அரைத்து வைத்துள்ள பூசணிக்காய் கலவை, மாவு போன்றவற்றை சேர்த்துக் கொள்ளவும். மீண்டும் க்ரீமியாக வரும் வரை நன்கு கலக்கவும்.

இவை அனைத்தையும் பட்டர் சீட்டில் வைத்து பேக் செய்து, மைக்ரோ ஓவன் அல்லது குக்கரில் பேக் செய்து எடுக்கலாம்.

ஒரு சிறிய பவுலில் சீஸ் கிரீம், வெண்ணெய், ஐசிங் சர்க்கரை போன்றவற்றை நன்றாக கலக்கவும். இதனுடன் கொஞ்சமாக வெண்ணிலா எசென்ஸ் சேர்க்கலாம்.

இறுதியாக பேக் செய்த கேக் மீது வெண்ணிலா எசென்ஸ் கலந்த கலவையைத் தடவி, ஒரு மணி நேரம் பிரிட்ஜில் வைத்து எடுத்தால், பூசணிக்காய் ரோல் கேக் ரெடி.