எலும்பு முறிவுக்கு மூன்றே நிமிடத்தில் தீர்வு... சீனா கண்டுபிடிப்பு

உடைந்த எலும்புகளை சரிசெய்ய, 'போன் க்ளூ' எனும் புதிய 'எலும்பு பசை'யை சீன விஞ்ஞானிகள் கண்டுபிடித்துள்ளனர். இதற்கு, 'போன் - 2' என பெயரிடப்பட்டுள்ளது.

இது, எலும்பு முறிவுகளை மிக விரைவாக அதாவது மூன்று நிமிடங்களுக்குள் குணப்படுத்த உதவும் என அவர்கள் தெரிவிக்கின்றனர்.

இதன் மூலம், உடைந்த எலும்புத் துண்டுகளை 2 - 3 நிமிடங்களில் ஒட்ட வைக்க முடியும். சிக்கலான அறுவை சிகிச்சைகளுக்கான நேரம் கணிசமாக குறையும் என கூறப்படுகிறது.

தற்போது பயன்படுத்தப்படும் உலோக உள் வைப்புகளுக்கு பதிலாக இது ஒரு புரட்சிகரமான மாற்றாக அமையும் எனவும் எதிர்பார்க்கப்படுகிறது.

மேலும், எலும்பு குணமாகும் போது, இந்த பசை உடலால் இயற்கையாகவே உறிஞ்சப்பட்டு விடும் என விஞ்ஞானிகள் தெரிவிக்கின்றனர்.

இதனால், உலோக தகடுகள், ஆணிகளை பயன்படுத்தி மேற்கொள்ளப்படும் ஆப்ரேஷனில், அவற்றை அகற்ற இரண்டாவதாக செய்யப்படும் ஆப்ரேஷன் தேவையிருக்காது.