தேநீர்... ஒவ்வொன்றும் ஒருவிதம்.. உங்களுக்கு பிடித்தமானது எது?

எலுமிச்சை தேநீர்... தொண்டை புண் மற்றும் வலியிலிருந்து நிவாரணம் பெற இதை உட்கொள்ளலாம். தேன் மற்றும் எலுமிச்சை சாறை வெந்நீரில் கலந்து சிறிது நேரம் கழித்து அருந்தவும்.

இதிலுள்ள எலுமிச்சையின் வைட்டமின் சி தொண்டை வலியிலிருந்து நிவாரணம் அளித்து புண்ணை குணமாக்கும்.

லவங்கப்பட்டை தேநீர்... குளிர்காலங்களில் பொதுவாக பயன்படுத்தப்படும் பிரபலமான நறுமணப் பொருள் லவங்கப்பட்டை. ஒரு கப் கொதிக்கும் நீரில் சிறிது இதை சேர்த்தால் தேநீர் ரெடி.

லவங்கப்பட்டையில் இரும்பு சத்து, மாங்கனீஸ், கால்ஷியம் மற்றும் நார்ச்சத்து அதிகமுள்ளது. எனவே, இந்த தேநீர் தலைவலி உட்பட பல பிரச்னைகளுக்கும் தீர்வாக அமைகிறது.

தைம் தேநீர் (நீர்பிராமி)... இத்தாலிய சமையலில் பயன்படுத்தப்படும் நறுமண மூலிகை இலை தைம். இதிலுள்ள பிளாவனாய்டுகள் தொண்டை, சிறுகுடல் குழாய்களை தளர்த்தி இருமலை சரி செய்கிறது.

கெமோமில் தேநீர்... இது உலர்ந்த கெமோமில் மலர்களிலிருந்து தயாரிக்கப்படுகிறது. கொதித்த சூடான நீரில் இம்மலர்களை 5 - 10 நிமிடங்கள் போட்டு வடிக்கட்டிய பின் அருந்தலாம்.

இம்மலரில் வலி நிவாரணம், எதிர்ப்பு அழற்சி மற்றும் குடல் வலியை நீக்கும் தன்மைகள் உள்ளன. வயிற்று வலி, உப்புசம், வாயு போன்ற வயிறு தொடர்பான பிரச்னைகளுக்கு நிவாரணம் தரும்.

பெப்பர் மின்ட் தேநீர்... புதினா இலைகளை கொதிக்கும் நீரில் சேர்த்து, சிறிது நேரம் கழித்து வடிகட்டி அருந்தவும். இது உங்களுக்கு புத்துணர்ச்சி அளிக்கும்.

உங்கள் உடல் ஆற்றலை அதிகரித்து, பகல் நேரத்தில் உண்டாகும் களைப்பை நீக்கும். உடலின் ஆற்றல் அளவை அதிகரிக்கும் சக்தி புதினாவுக்கு இருப்பதாக ஆய்வுகள் கூறுகின்றன.

சிமிக்கி பூ தேநீர்... உடல் மற்றும் மனதிலுள்ள அழுத்தத்தை தளர்த்தும் இந்த மூலிகை தேநீர். நீங்கள் தூக்கமின்மையால் அவதிப்படுபவராய் இருந்தால், இதை முயற்சிக்கலாம்.