இரவில் தூக்கம் வராமல் தவிப்பவர்கள் இந்த உணவுகளை முயற்சியுங்கள்!

குறைந்த அளவிலான மெலடோனின் மற்றும் சீரடோனின் தூக்கமில்லாததற்கு காரணமாக உள்ளன.

மெக்னீசியம், கால்சியம், துத்தநாகம் மற்றும் சில பி வைட்டமின்கள் போன்ற அத்தியாவசிய ஊட்டச்சத்துக்கள் தூக்கத்திற்கு உதவி புரிகின்றன.

இவை அத்தியாவசிய அமினோ அமிலம் டிரிப்டோபானை, மூளை செரோடோனினாக மாற்ற துணை புரிகின்றன. பின்னர் செரோடோனின் மெலடோனின் ஆக மாற்றப்படுகிறது.

இந்த சத்துக்கள் கொண்ட உணவுகளின் பட்டியல் இதோ...

ஒரு கிளாஸ் வெதுவெதுப்பான பால் நல்ல இரவு தூக்கத்தைத் தூண்டும்.

பார்லி புல்... கால்சியம், டிரிப்டோபான், பொட்டாசியம் உட்பட பல தூக்கத்தை ஊக்குவிக்கும் சேர்மங்கள் இதில் நிறைந்துள்ளதால், இதன் பொடியை வெது வெதுப்பான நீர் அல்லது பாலில் கலந்து குடிக்கலாம்.

பூசணி விதைகள் டிரிப்டோபனின் இயற்கையான மூலாதாரமாக உள்ளது; இது தூக்கத்தை ஊக்குவிக்கும் அமினோ அமிலம். இதிலுள்ள துத்தநாகம், தாமிரம் மற்றும் செலினியமும் தூக்கத்தை மேம்படுத்தும்.

வாழைப்பழத்தில் மெக்னீசியம், டிரிப்டோபான், வைட்டமின் பி6, கார்போஹைட்ரேட் மற்றும் பொட்டாசியம் போன்ற தூக்கத்தை ஊக்குவிக்கும் ஊட்டச்சத்துக்கள் நிறைந்துள்ளன.

வால்நட்கள் ஒமேகா-3 கொழுப்பு அமிலங்களைக் கொண்டிருக்கின்றன. மேலும் இவை உங்கள் உயிரணுக்களின் இயக்கத்தையும் மேம்படுத்தும்.

டிரிப்டோபான் நிறைந்த சியா விதைகள் மனநிலையை மேம்படுத்துவதன் மூலம் தூக்க முறைகளை ஒழுங்குபடுத்துகிறது. ஊறவைத்த சியா விதைகளை இரவில் உட்கொள்ளலாம்.