சர்ஃபிங்கில் சாதிப்போமா... முதன் முறையாக முயற்சிப்பவர்களுக்கு இதோ சில டிரிக்ஸ் !
தண்ணீர் விளையாட்டுகளில் அனைவருக்கும் பொதுவாக பிடித்தமானது சர்ஃபிங். அலையோடு அலையாக மோதி விளையாடுவது உற்சாகமான அனுபவமாகும்.
சர்ஃபிங் செய்ய கட்டாயமாக நீச்சல் பயிற்சி தெரிந்திருக்க வேண்டும். தகுதியான பயிற்சியாளரை கண்டுபிடிக்க வேண்டும்.
வெளிநாடுகளுடன் ஒப்பிடும் போது இந்தியக் கடல்களில் உள்ள தண்ணீர் மிகவும் வெப்பமானது. எனவே, வெட்சூட்கள் இந்தியாவில் அவசியமில்லாத ஒன்று.
அகலமாக இருப்பதை விட குறுகலான சர்ஃபிங்போர்டைக் கையாளுவது எளிதாக இருக்கும் என்ற பலரின் கணிப்பு தவறானது. துவக்க நிலையில் பெரிய சர்ஃப் பலகைகளில் பாதுகாப்பு தன்மை அதிகம் இருக்கக்கூடும்.
சர்ஃபிங் செய்யும்போது, போர்டில் எழுந்து நிற்க அதிக நேரம் எடுக்காமல், விரைவாக செயல்படவும். ஒருசிலர் முதலில் முழங்காலில் எழ முயற்சிக்கும் போது, பலகையில் எடை மாறுவதால், சமநிலையை மீறி விழ வாய்ப்புள்ளது.
போர்டின் முன்னால் அதிக நேரம் நின்றால் தண்ணீருக்கடியில் செல்ல வேண்டியிருக்கும்; நகரவும் வாய்ப்பிருக்காது. எனவே, கால்களை போர்டில் எப்படி வைப்பது என்ற வழிமுறைகளை உரிய பயிற்சி செய்ய வேண்டும்.
சர்ஃபிங் செய்யும் போது உங்கள் உடல் மற்றும் தலையின் இயக்கத்தைப் பொறுத்தே போர்டு திரும்பக்கூடும். நீங்கள் எங்கு திரும்புகிறீர்களோ, தண்ணீரில் அங்குதான் போர்டு செல்லும்.
எனவே, துவக்கநிலையில் நீங்கள் கீழே பார்க்கவே கூடாது. இல்லாவிட்டால் சமநிலையை இழந்து, திசை திருப்பப்படுவீர்கள். நீங்கள் செல்ல விரும்பும் திசையை மட்டுமே பார்க்க வேண்டும்.
தண்ணீரில் சர்ஃபிங் செய்வதால் உடலில் நீர்ச்சத்து குறைவதால், அதிகளவில் தண்ணீர் குடிப்பது அவசியமானது. அதேப்போல் பயிற்சிக்கு முன்னதாக சாப்பிட எளிமையான உணவை தேர்ந்தெடுக்க வேண்டும்.