சத்தான நாவல் பழ ஜாம்!

சத்துகள் நிறைந்த நாவல் பழத்தில் எப்படி ஜாம் செய்வது என்று பார்போம்.

ஒரு பாத்திரத்தில் சிறிதளவு தண்ணீர் ஊற்றி 1 கிலோ நாவல் பழங்களை போட்டு 5 நிமிடம் வேக வைக்கவும். இவ்வாறு செய்யும்போது பழத்தின் விதைப் பகுதி தனியாக பிரிந்துவிடும்.

விதைகளை நீக்கி விட்டு, பின்னர் வேக வைத்துள்ள நாவல் பழத்தை நன்றாக ஆற வைத்து தனியாக மிக்சியில் அரைத்துக் கொள்ளவும்.

அரைத்து வைத்துள்ள நாவல் பழத்தை கடாயில் கொட்டி மிதமான தீயில் தொடர்ந்து கிளறவும்.

பிறகு 150 கிராம் சர்க்கரையை அதனுடன் சேர்த்துக் கிளறிக் கொண்டே இருக்கவும். துவர்ப்பாக இருப்பதாக தோன்றினால் சர்க்கரையை சிறிதளவு கூடுதலாக சேர்த்துக் கொள்ளலாம்.

சிறிது நேரம் அடிப்பிடிக்காமல் கிளறிக் கொண்டே இருக்கவும். பின்னர் பாதியளவு எலுமிச்சம் பழத்தை எடுத்து சாறு பிழிந்து அத்துடன் சேர்த்துக் கிளறவும்.

சிறிது நேரத்தில் ஜாம் சரியான பதத்துக்கு வந்தவுடன் ஆற வைத்து பயன்படுத்தலாம்.