ரெண்டே நிமிஷம் தான்... ரகசிய கேமராக்களை கண்டுபிடிச்சுரலாம்...!
பெண்களுக்கு எதிரான பாலியல் வன்கொடுமைகள் தற்போது அதிகரித்து வருகின்றன. இளம் பெண்கள் மட்டுமின்றி குழந்தைகளும் இந்த பட்டியலில் அடங்குகின்றனர்.
ஸ்மார்ட்போன்கள், ஹிட்டன் கேமராக்கள் போன்ற பல நவீன சாதனங்கள் நன்மையை தருவது மட்டுமின்றி, குற்றச் சம்பவங்களுக்கு மறைமுகமாக வழிவகுக்கின்றன.
எனவே ஹோட்டல் அறைகளில் தங்கும் போது, ஷாப்பிங் மால், ரெடிமேடு ஷோரூம்களில் உடைகளை அணிந்து பார்க்கும்போது கூடுதல் கவனமுடன் இருக்க வேண்டும்.
ஹோட்டல் அறைக்குள் நுழைந்தவுடன் பிளக் பாய்ன்ட், கதவின் கைப்பிடி, ஸ்குரு, டிவி, டேபிள், அழகுச்செடிகள், கடிகாரம், கண்ணாடி, விளக்குகள் உட்பட அனைத்தையும் நிதானமாக பார்க்கவும்.
அறைக்குள் அனைத்து மின் விளக்குகளையும் அணைத்துவிட்டு, அறை முழுவதையும் செல்போனில் வீடியோ எடுங்கள். சிவப்பு அல்லது வெள்ளை நிற ஒளி வந்தால் கேமரா உள்ளதாக அர்த்தம்.
செல்போனில் யாரிடமாவது பேசியபடியே அறையில் மெதுவாக நடக்கவும். செல்போனில் இரைச்சல் சத்தம் கேட்டால் அருகில் ரகசிய கேமரா போன்ற எலக்ட்ரானிக் பொருட்கள் இருக்கலாம்.
உடை மாற்றும் டிரையல் அறைகளில் உள்ள கண்ணாடியில் உங்கள் விரல் ஒட்டாவிட்டால் அது சாதாரணக் கண்ணாடி. கண்ணாடியில் விரல் ஒட்டினால் அது வேவு பார்க்கும் கண்ணாடி.
நவீன தொழில்நுட்பம் காரணமாக விதவிதமான சாதனங்களும் கண்டுபிடிக்கப்பட்டுள்ளன. எனவே கேமரா டிடெக்டர் மூலமாகவும் பரிசோதனை செய்யலாம்.
அறையில் மின்விளக்குகளை அணைத்துவிட்டு, ஸ்பாட் விளக்குகளை மட்டும் ஒளிரச் செய்து புகைப்படம் எடுக்கவும். விளக்குகளில் வித்தியாசம் தெரிந்தால் அங்கு ஏதாவது மறைத்து வைக்கப்பட்டிருக்கலாம்.