இந்தியாவில் ஒரு மாலத்தீவு - மினிக்காய் பற்றி தெரிந்து கொள்ளுங்கள்

நமது அண்டை நாடான மாலத்தீவின் எழில்மிகு கடற்கரைகள், பரந்து விரிந்த வெள்ளை மணற்பரப்பு, அழகிய ரிசார்டுகள், தண்ணீர் விளையாட்டுகள் மூலம் உலக சுற்றுலா பயணிகளை ஈர்க்கிறது.

மாலத்தீவுக்கு நிகரான அழகு நமது அரபிக் கடலில் அமைந்துள்ள மினிகாய் தீவிலும் காணக்கிடைக்கிறது. பட்ஜெட்டில் சுற்றிப் பார்த்துவிட்டு வரலாம்.

மினிகாய் தீவு கடற்கரை பிரியர்களுக்கும், தண்ணீர் விளையாட்டு ஆர்வலர்களுக்கும் சிறந்த இடம். கேரளாவுக்கு அருகே அரபிக் கடலில் அமைந்துள்ள லட்சத்தீவு கூட்டத்தில் 2வது பெரிய தீவு இது.

இங்கு பிரிட்டிஷாரால் 19ம் நூற்றாண்டில் கட்டப்பட்ட பழமையான லைட்ஹவுஸ் உள்ளது. சுமார் 170 அடி உயரம் கொண்ட லைட்ஹவுஸ் சென்டர் ஆப் அட்ராக்ஷனாக உள்ளது.

விமான ஓடுதளம் உள்ள ஒரே தீவு, இந்த அகத்தி தீவு. மாலத்தீவைப் போல் தண்ணீர் விளையாட்டுகளுக்கு நன்கு அறியப்பட்ட இடம் இது. லட்சத்தீவில் பார்க்க வேண்டிய சிறந்த இடங்களில் இதுவும் ஒன்று.

நீர்வழி அல்லது வான் வழியாக மட்டுமே நீங்கள் இங்கு வர முடியும். மினிக்காய் தீவுக்கு செல்வதற்கு, அகத்தி விமான நிலையத்தில் இறக்கிவிடப்படுவோம்.

அகத்தி தீவுக்கு நேரடி விமானங்கள் கிடையாது. கொச்சி விமான நிலையம் வந்து, அங்கிருந்து இங்கு செல்லலாம். விமானக் கட்டணம் ரூ.5 ஆயிரத்தில் இருந்து ஆரம்பிக்கும்.

நீர் வழி என்றால் பிரச்னை இல்லை. கொச்சியிலிருந்து பயணிகள் கப்பல்கள் பல இயக்கப்படுகின்றன. அதில் முன்பதிவு செய்துவிட்டுச் செல்லலாம்.