சொந்த பயன்பாட்டு வாகன பதிவுக்கு இனி ஆர்.டி.ஓ., ஆபீஸ் வர தேவையில்லை...

சொந்த பயன்பாட்டுக்காக வாங்கப்படும் புதிய வாகனங்களை பதிவு செய்ய, ஆர்.டி.ஓ., எனும் வட்டார போக்குவரத்து அலுவலகத்திற்கு இனி வாகனங்களை கொண்டுவர வேண்டிய அவசியம் இல்லை.

இந்த புதிய நடைமுறை, நாளை முதல் அமலாகிறது.

தமிழகத்தில் மொத்தம் 150 வட்டார போக்குவரத்து அலுவலகங்கள், யூனிட் அலுவலகங்கள் இயங்கி வருகின்றன.

டூ - வீலர்கள், கார்கள், கனரக வாகனங்கள் உட்பட தினமும், 8,000 வாகனங்கள் வரை புதிதாக பதிவு செய்யப்படுகின்றன.

புதிய வாகனங்களை பதிவு செய்யும்போது, அந்த வாகனத்தை வட்டார போக்குவரத்து அலுவலகத்துக்கு கட்டாயம் கொண்டு வர வேண்டும் என்ற நடைமுறை இருக்கிறது.

தற்போது, மோட்டார் வாகன புதிய சட்ட திருத்தத்தின்படி, 'சொந்த வாகனங்களை, வட்டார போக்குவரத்து அலுவலகத்துக்கு கொண்டு வர தேவையில்லை' என தெரிவிக்கப்பட்டுள்ளது.

இந்த புதிய உத்தரவை நாளை முதல் அமல்படுத்த வேண்டும் என, அனைத்து வட்டார போக்குவரத்து அலுவலகங்களுக்கும், தமிழக போக்குவரத்து துறை ஆணையர் உத்தரவிட்டுள்ளார்.