மருத்துவ குணங்கள் மிக்க சில விதைகள்...!

அளவற்ற சத்துக்களையும் அதிக மருத்துவ குணங்களையும் கொண்ட ஐந்து விதமான விதைகளை பற்றிப் பார்ப்போமா?

முருங்கை விதைகளில் ஆன்டிஆக்ஸிடன்ட், வைட்டமின் ஏ, பி, சி உட்பட பல்வேறு சத்துக்கள் உள்ளன. புற்றுநோய் செல்கள் உருவாவதைத் தடுக்க, இதயத்தைப் பலப்படுத்த, ரத்தசோகையை நீக்க உதவும்.

எள் விதைகளை நல்லெண்ணெயாகவோ, எள்ளை பொடி செய்தோ சாப்பிடலாம். உயர் ரத்த அழுத்தம், கல்லீரல் பாதிப்புகளிலிருந்து பாதுகாக்கும். உடல் வெப்பநிலையை சமநிலையில் வைக்க உதவும்.

சூரியகாந்தி விதைகளை மென்று சாப்பிடலாம். இதில், நியாசின், வைட்டமின் ஈ உட்பட பல சத்துகள் நிறைந்துள்ளன. ரத்தத்தில் கெட்ட கொழுப்பை குறைக்கும். நோய் எதிர்ப்பு சக்தியை அதிகரிக்கிறது.

பூசணி விதைகளில் நார்ச்சத்து, புரதம், இரும்பு மற்றும் வைட்டமின் ஈ உட்பட பல்வேறு சத்துகள் நிறைந்துள்ளன. 100 கிராம் பூசணி விதைகளில் 600 கிராம் கலோரிகள் கிடைக்கக்கூடும்.

சப்ஜா விதைகளை தண்ணீரில் ஊறவைத்துப் பயன்படுத்த வேண்டும். உடல்சூடு, செரிமானப் பாதையில் ஏற்படும் புண்கள் ஆகியவற்றை குணப்படுத்தி, நோய் எதிர்ப்பு சக்தியை வலுப்படுத்துகிறது.