மீதமான பொருட்களை சுவையாக சமைக்க டிப்ஸ் டிப்ஸ்!
தேன் குழலுக்கு அரைத்த மாவு மீந்து விட்டால், அதை கரைத்து, உப்பு, சீரகம், கருவேப்பிலை சேர்த்து தோசை வார்க்க, ருசியுடன் இருக்கும்.
பிரட் மீந்து விட்டதா, அதை மிக்சியில் பொடியாக்கி உப்பு, காரம், கரம் மசாலா, கொத்தமல்லி, வெங்காயம் சேர்த்து பிசைந்து, 'கட்லெட்'டாக எண்ணெயில் பொரித்து எடுக்கலாம்.
தயிர் பச்சடி நீர்த்து போய் விட்டால், சிறிது நிலக்கடலை வறுத்து, நைசாக பொடித்து கலந்து விடுங்கள். இதனால், பச்சடி கெட்டியாவதோடு, சுவையும், சத்தும் கூடும்.
பால் பாயசம் செய்யும்போது தண்ணீயாக இருந்தால், பாதாம் பருப்பை அரைத்து அதில் சேர்த்தால் கெட்டியாக மற்றும் சுவையாக இருக்கும்.
வெண்டைக்காய் முற்றி விட்டால், சீரான துண்டுகளாக வெட்டி, வெயிலில் இரண்டு நாள் காய வைக்கவும்.
பின் புளித்த மோரில், உப்பு, மிளகாய் துாள் போட்டு வெண்டைக்காயை இரண்டு நாள் ஊற விட்டு, காய வைத்து எடுத்து, தேவைப்படும்போது எண்ணெயில் பொரித்து சாப்பிடலாம்.