உணவின் ருசியை கூட்ட சில ட்ரிக்ஸ்!
இட்லிக்கு மாவு அரைக்கும் போது, ஒரு கைப்பிடி அவல் சேர்த்து அரைத்தால் இட்லி மெதுவாக இருக்கும்.
சிக்கன் குழம்பு செய்யும் போது, இறுதியாக தேங்காய் மற்றும் சோம்பு அரைத்து குழம்பில் ஊற்றினால், குழம்பு கெட்டியாகவும், சுவையாகவும் இருக்கும்.
சின்ன வெங்காயத்தை சுடுதண்ணீரில் போட்டு வைத்த பின், அவற்றின் தோல்களை எளிதாக உரிக்கலாம்
கீரை சமைக்கும் போது, மண் பாத்திரத்தில் சமையல் செய்வது உடலுக்கு நல்லது.
அப்பளம் நமத்து போனால், அதை சிறு துண்டுகளாக வெட்டி வாணலியில் போட்டு இரண்டு நிமிடம் வதக்கினால் அப்பளம் மீண்டும் மொறு, மொறுவென மாறி விடும்
பருப்பு வேகவைக்கும் போது, ஒரு ஸ்பூன் நெய் ஊற்றி வேகவைத்தால் பருப்பு மணமாக இருக்கும்.
வாழைத்தண்டு பொரியல் செய்து வாரம் ஒரு முறை சாப்பிட்டு வந்தால், குடல் பகுதிக்கு நல்லது.
தக்காளி சாதம் செய்யும் போது, எலுமிச்சை சாறு சேர்த்தால் சுவை கூடும்.