நிறம் மாறும் நகங்கள்....அலட்சியம் வேண்டாம்..!

உடலின் வெளிப்புறத்தில் உள்ள நகங்களின் ஆரோக்கியத்தை வைத்தே உடலின் ஆரோக்கியத்தை கணித்து விடலாம் என மருத்துவர்கள் தெரிவிக்கின்றனர்.

இளஞ்சிவப்பு நிறங்களில் உள்ள கைவிரல் நகங்களில் நிலவு போன்று சிறு வளர்பிறை வடிவம் இருந்தால் உடலில் ரத்த ஓட்டம் சீராக இருக்கிறது என்று அர்த்தம்.

நகங்கள் நீல நிறமாக மாறியிருந்தால், ஆஸ்துமா, நுரையீரல் தொடர்பான நோய்களுக்கான அறிகுறியாக கருதப்படுகிறது.

கல்லீரல் பாதிப்பு, சிறுநீரக நோய், வைட்டமின் பி12 பற்றாக்குறை, போன்றவற்றால் நகம் கருப்பு நிறமாக மாறக்கூடும்.

நகங்கள் வெளிறிய நிறத்தில் காணப்பட்டால் ரத்த சோகையாக இருக்கலாம்.

உடம்பில் துத்தநாக சத்து குறைபாடு இருத்தால் நகத்தில் வெள்ளை நிறப்புள்ளிகள் தோன்றும்.

பூஞ்சை தொற்று, நீரிழிவு, கல்லீரல் நோய் உள்ளவர்களுக்கு நகங்கள் மஞ்சள் நிறத்தில் காணப்படும்.

ரத்த ஓட்டத்தில் சிக்கல் இருந்தால், நகங்கள் ஊதா நிறத்தில் மாறும்.