நீங்கள் வாங்கிய தேன் ஒரிஜினலா... கண்டுபிடிப்பது எப்படி?
நவீன காலத்தில் வளர்ப்புத் தேனீக்கள் மூலம் கிடைக்கும் தேன் அதிகமாகிவிட்டது. மேலும் தற்போது அவற்றில் கலப்படமும் நிறையவே நடப்பதாகக் கூறப்படுகின்றது.
'ஒரிஜினல் நேச்சுரல் ஹனி' என்று எழுதப்படிருந்தாலும், அது உண்மையானதா என்பதை சில சோதனைகள் மூலம் அறிந்துகொள்ளலாம்.
தண்ணீர் நிரப்பிய கிண்ணத்தில் ஒரு சொட்டுத்தேனை விடவும். அவை உடனே கரைந்தால், அது கலப்படம் செய்யப்பட்டது. கரையாமல் நேராக கிண்ணத்தில் கீழே சென்று தங்கினால், அது சுத்தமான தேன்.
தேனை ஒரு ஸ்பூனில் எடுத்து கிண்ணத்தில் விட்டால், மெல்லிய நூல் இழை போல் இறங்கும். அதுவே கலப்படம் செய்யப்பட்ட தேன் என்றால் அது சொட்டு சொட்டாக வடியும்.
நல்ல காட்டன் துணியை தேனில் நனைத்து, தீக்குச்சியால் பற்ற வைக்கும் போது நன்கு பற்றி எரியும். அப்படி நன்கு எரிந்தால் அது சுத்தமானது.
சிறிது தேனை எடுத்து வாணலியில் ஊற்றி சற்று சூடு செய்தால், அதன் அடர்த்தி குறைந்து, உருகிவிடும். பின் அடுப்பை அணைத்து சில மணி நேரங்களானதும், பழைய அடர்த்தியை அடைந்துவிடும்.
தேனை கண்ணாடி ஜாரில் ஊற்றி பார்க்க வேண்டும் தேனின் நிறம் ஒரே சீராக இருக்கும். கலப்படம் செய்த தேனின் அடர்த்தி மாறுபடும்.
சுத்தமான தேன் எப்போதும் குமிழ் போல பரவி, பாத்திரத்தின் வடிவத்துக்கு ஏற்ப சம நிலை பெற சிறிது நேரம் எடுத்துக்கொள்ளும்.