கேம் சேஞ்சர் ஆகும் இடைக்கால விரதம் !

'இன்டர்மிட்டென்ட் பாஸ்டிங்' எனப்படும் இடைக்கால விரத முறை சமீப நாட்களில் அதிகம் பேசப்படுகிறது. இது பாட்டி, தாத்தாவின் உணவுப் பழக்கத்தில் இயல்பாக இருந்த ஒன்றுதான்.

ஒரு நாளில் குறிப்பிட்ட நேரத்தில் உணவு சாப்பிட்டு, மற்ற நேரங்களில் சாப்பிடாமல் தண்ணீர் மட்டும் குடித்து விரதம் இருப்பது இடைக்கால விரத முறை.

பல வகைகள் இருந்தாலும், சுலபமாக 16 மணி நேரம் விரதம், எட்டு மணி நேரத்தில் சாப்பிடும் 16:8 முறை பொதுவானது.

காய்கறிகள், பழங்கள், குறைந்த கலோரி கொண்ட புரதங்கள், நல்ல கொழுப்பு உணவுகள் சாப்பிடுவது, விரத நேரத்தில் சுறுசுறுப்பாக இருக்க உதவும்.

சர்க்கரை, பதப்படுத்தப்பட்ட, சுத்திகரிக்கப்பட்ட கார்போஹைட்ரேட் உணவுகளை தவிர்க்க வேண்டும். அவை சோர்வை ஏற்படுத்துவதோடு, விரதத்தின் முழுப்பலனையும் கிடைக்க விடாது.

உடல் எடை குறைவது, செரிமான மேம்பாடு, நல்ல பாக்டீரியா அதிகரிப்பு, ரத்த சர்க்கரை அளவை கட்டுப்பாட்டில் வைப்பது உட்பட பல்வேறு நன்மைகள் இதனால் ஏற்படக்கூடும்.

நாள்பட்ட வீக்கத்தை குறைப்பது, பல்வேறு நோய்களின் அபாயத்தை தடுப்பது உட்பட இடைக்கால விரதத்தால் பல நன்மைகள் இருப்பதை பல்வேறு ஆய்வுகள் உறுதி செய்கின்றன.

கர்ப்பிணிகள், பாலுாட்டும் பெண்கள், குழந்தைகள், இளம் வயதினர், நீரிழிவு உட்பட நாட்பட்ட இணை நோய்கள் மற்றும் ஊட்டச்சத்து குறைபாடு உள்ளவர்கள் இதை தவிர்க்க வேண்டும்.

துவக்கத்தில் பசி, எரிச்சல், சோர்வு, மயக்கம், அதிகமாகச் சாப்பிடுவது, துாக்கமின்மை உட்பட பல பிரச்னைகள் ஏற்படலாம். முன்னதாக, அவசியம் டாக்டரிடம் ஆலோசனை பெற வேண்டும்.

காரணம், வாழ்க்கை முறைக்கு ஏற்றதாக இருந்தால், இது ஒரு 'கேம் சேஞ்சராக' மாறலாம்.