சுட்டெரிக்கும் வெயிலில் உடலை கூலாக்க உதவும் உணவுகள் இவை

நீர்ச்சத்து நிறைந்த பழங்களில் ஒன்றான தர்பூசணி ஆன்டி-ஆக்ஸிடன்ட் பண்புகள் நிறைந்துள்ளதால், ஆரோக்கியத்தை மேம்படுத்தவும் உதவுகிறது.

நார்ச்சத்து நிறைந்த வெள்ளரிக்காய் கோடையில் மலச்சிக்கலைத் தடுக்க உதவும். நீர்ச்சத்தும் அதிகமுள்ளதால் உடலை நீரேற்றமாக வைத்து, ஆரோக்கியத்தை மேம்படுத்தும்.

கோடையில் பலரின் சாய்ஸாக உள்ள ஊட்டச்சத்துகள் நிறைந்த இளநீர், வெயிலை எதிர்த்து போராட உதவும் குளிர்ச்சியான பண்புகளையும் கொண்டுள்ளது.

எளிதாகவும், மலிவாகவும் கிடைக்கும் மூலிகைகளில் ஒன்று புதினா. உடல் வெப்பநிலையை குளிர்ச்சியாக வைப்பதுடன், புத்துணர்ச்சியையும் அளிக்கிறது.

தயிர் சுவையானது மட்டுமின்றி உடலுக்கு குளிர்ச்சியையும் தருகிறது. நீர்மோர், மசாலா மோர், லஸ்ஸி, ரைத்தா, ஸ்மூத்தி என பல வழிகளில் இதை சாப்பிடலாம்.

ஐஸ் ஆப்பிள் என செல்லமாக அழைக்கப்படும் நுங்கு வெயிலின் தாக்கத்தை குறைக்க கிடைத்த அருமருந்தாகும். மலச்சிக்கல், வயிற்றுப்போக்கை தவிர்க்கவும் உதவுகிறது.

வெங்காயம் குளிர்ச்சியான பண்புகளை வழங்குகிறது என்பதை அறிந்தால் நீங்கள் ஆச்சரியப்படுவீர்கள். தினசரி உணவில் வெங்காயத்தை சேர்ப்து, சூரிய ஒளியிலிருந்து பாதுகாக்க உதவுகிறது.

அதிக அளவு நீர்ச்சத்து நிறைந்த முலாம்பழங்களை கோடையில் சாப்பிடும்போது, நீரேற்றத்துடன் இருக்க உதவுவதுடன், குளிர்ச்சியையும், புத்துணர்ச்சியையும் அளிக்கிறது.

ஒரு டம்ளர் நிம்பூ பானி என்ற எலுமிச்சை ஜூஸ் பல்வேறு ஆரோக்கிய நன்மைகளை வழங்குகிறது.