குழந்தையின் மூளை வளர்ச்சிக்கான முக்கிய உணவுகள்...!

தவறு செய்யும் போது, குழந்தைகளை நாம் 'மூளை இருக்கா…' என்று கேட்கிறோம். இதற்கு காரணம் குழந்தைகள் செய்யும் செயலுக்கு தூண்டுகோலாக இருப்பது மூளையே.

குழந்தையின் மூளை வளர்ச்சியில் ஊட்டச்சத்து முக்கிய பங்கு வகிக்கிறது. சத்தான உணவு மூளையை ஆரோக்கியமாகவும், குழந்தைகளின் கவனத்தை அதிகரிக்கவும், மறதியை போக்கவும் உதவுகிறது.

'வெண்டக்காய் சாப்பிடு.. மூளை வளரும்... நல்லா கணக்கு போடுவ' என நம் வீட்டுப் பெரியோர் கூறியதில் அவர்களின் அனுபவ அறிவு வெளிபடுகிறது.

இனி மூளை வளர்ச்சிக்கு உதவும் பொருட்கள் குறித்து இப்போது பார்ப்போம்.

நட்ஸ், விதைகளில் வைட்டமின் ஈ, இரும்பு, புரதச்சத்துகள் நிறைந்துள்ளன.

ஆரஞ்சுகளில் வைட்டமின் சி நிரம்பியுள்ளது, இது ஆரோக்கியமான மூளைக்கு இன்றியமையாதது.

புரதம் நிறைந்த தயிர் மூளை ஆரோக்கியத்துக்கு சிறந்தது. இதில் அயோடின் உள்ளது. மூளையின் செயல்பாட்டுக்கும், செரிமானத்துக்கும் உதவுகிறது.

தினமும் ஒரு சிறிய கப் அளவுக்கு கீரை, காய்கறிகளை சாப்பிடும் குழந்தைகளுக்கு அறிவாற்றல் அதிகரிக்கும் என்பது டயட்டீசியன்களின் அட்வைஸ்.

மூளையின் செயல்பாட்டுக்குத் தேவையான ஒமேகா-3 கொழுப்புகள், அயோடின், துத்தநாகம் ஆகிய சத்துகள் மீனில் நிறைந்துள்ளன.

புரதம் மற்றும் ஊட்டச்சத்துக்கள் நிறைந்த முட்டை, குழந்தைகளின் கவனத்தை மேம்படுத்தும் சக்தி கொண்டது.