இது தெரியாம போச்சே!! ஈஸி சமையல் டிப்ஸ் இதோ!
உங்கள் சமையல் ஆஹா, ஓஹோ என பாராட்டை பெற சிறு சிறு மாற்றத்தை செய்தால் போதுமானது.. அப்படி இப்படி என சில டிப்ஸ்களை வைத்து எப்படி பேஷாக சமைக்கலாம் என தெரிந்துக்கொள்வோம்...
பிரிஜ்ஜில் உள்ள ஐஸ் கியூப் டிரேயில், ஏதாவதொரு பழச்சாறை ஊற்றி, கட்டியானவுடன் குழந்தைகளுக்கு, ஜூசுடன் கலந்து கொடுத்தால், அவர்கள் விரும்பி குடிப்பர்.
பன்னீர் பட்டர் மசாலா செய்யும் போது, இஞ்சி, வெங்காய விழுதை நன்றாக கிளறியதும், முந்திரி, கசகசா, தேங்காய் சேர்த்து கெட்டியாக அரைத்த விழுதை கலந்து செய்தால் சுவையும், மணமும் நன்றாக இருக்கும்.
சிறிதளவு நெய்யில், கடுகுடன், ஐந்து முழு மிளகை சேர்த்து தாளித்தால், ரசம் நல்ல மணத்துடன் இருக்கும்.
தயிர் வடைக்கு, உளுந்தம் பருப்புடன், ஆறு முந்திரி பருப்பை சேர்த்து ஊற வைத்து அரைக்கவும். இந்த மாவில் வடை செய்தால் மிருதுவாகவும், ருசியாகவும் இருக்கும்.
ஐஸ் வாட்டர் அல்லது ஐஸ் கட்டிகளையோ சேர்த்து இட்லி மாவு அரைத்தால், மாவு சீக்கிரம் புளிக்காமல் நன்றாக இருக்கும்.
அடை மாவு அரைக்கும் போது, அரை கப் சிறு பயறு, கால் கப் வேர்க்கடலை சேர்த்து செய்தால், ருசியாக மட்டுமல்லாமல் சத்தாகவும் இருக்கும்.