ரசாயனம் கொண்டு சுத்திகரிக்கப்படும் வெள்ளை சர்க்கரையை நாம் தினமும் பயன்படுத்தி வருகிறோம்.
வெளியே நாம் வாங்கி உண்ணும் கோலா பானங்கள், பிஸ்கட்கள், சாக்லேட்கள், கேக்குகள் உள்ளிட்டவற்றில் சுவைக்காக வெள்ளை சர்க்கரை சேர்க்கப்படுகிறது.
இதிலுள்ள ஆபத்து தெரியாமல் பலரும் இதனை பயன்படுத்துகின்றனர். போதைப் பொருளுக்கு இணையான அடிக்டிவ் தன்மை கொண்டது இது.
இதனை பல ஆண்டுகள் தொடர்ந்து அதிகமாக உட்கொண்டால் உடலில் வெற்று கலோரிகள் அதிகரித்து உடற்பருமனுக்கு வழிவகுக்கிறது.
இதற்கு மாற்றாக வேறு சில ஆரோக்கியமான இனிப்பு பொருட்களை பயன்படுத்தலாம் என்கின்றனர் சர்க்கரை நோய் நிபுணர்கள். அவை என்னென்ன எனப் பார்ப்போம்.
கிராமங்களில் அதிகமாக கிடைக்கும் நாட்டு சர்க்கரை தற்போது நகரங்களிலும் கிடைக்கத் துவங்கியுள்ளது. இதை டீ, காபி உள்ளிட்டவற்றில் பயன்படுத்தலாம்.
தென்னை மரத்தில் இருந்து எடுக்கப்படும் தேங்காய் சர்க்கரை இரும்புச்சத்து, கால்சியம் உள்ளிட்ட சத்துகள் நிறைந்தது.
மீட்டி துல்சி (இனிப்பு துளசி) என வட இந்தியாவில் அழைக்கப்படும் ஸ்டிவியா இலைகளை அரைத்து பொடியாக்கி சூடான பானங்களில் கலந்து குடித்தால் உடல் ஆரோக்கியம் மேம்படும்.
பேரிச்சம்பழத்தை அதீத வெப்பத்தில் சுடவைத்து, பொடியாக்கி உலர்த்தினால் கிடைப்பது பேரிச்சை சர்க்கரை.
உடலுக்கு கேடு விளைவிக்காத வளர்ப்புத் தேனிக்கள் உருவாக்கும் தேனை பாலில் கலந்து குடித்து வந்தால் உடல் எடை சீராகும். இதய ஆரோக்கியம் மேம்படும்.