குளு குளு குலு மணாலி.. இந்தியாவின் சொர்க்கம்...!

ஹிமாச்சல் பிரதேசத்தில் உள்ள குலு - மணாலி... பனி மூடிய பசுமை மலைகளையும், தூய்மையான ஜில் ஜில் காற்றையும் விரும்புகிறவர்களுக்கு சுற்றுலா செல்ல சிறந்த தேர்வாகும்.

புதுமணத் தம்பதிகளுக்கு மிகவும் விருப்பமான ஹனிமூன் ஸ்பாட்டாகவும் இது திகழ்கிறது. இந்த சுற்றுலா தலத்தை இரட்டையர்கள் என்றே சொல்லலாம்.

குலுப் பள்ளத்தாக்கு என்பது ஹிமாச்சலப் பிரதேசத்தில் உள்ள குலு மாவட்டத்தின் மிகப்பெரியப் பள்ளத்தாக்கு ஆகும்.

மனம் மயக்கும் இயற்கை அழகு, வண்ணமயமான மலர்த்தோட்டங்கள், பனிமூடிய மலைச்சிகரங்கள், ஆப்பிள் தோட்டங்கள் என அற்புத அழகை வைத்து கொண்டு சுற்றுலாப்பயணிகளை வசீகரிக்கிறது மணாலி.

த்ரில்லிங் விளையாட்டுகள் பிடிப்பவர்களுக்கு டிரெக்கிங், கேம்பிங், ஆங்கிலிங், ரிவர் ராப்டிங், ஸ்கீயிங், போன்ற சாகச செயல்பாடுகள் இங்கு அதிகம் உள்ளன.

குலு, மணாலியில் வருடமுழுவதுமே இதமான இனிமையான பருவநிலை நிலவுகிறது. மார்ச் - ஜூனில் பூத்துக்குலுங்கும் பூக்களை ரசிக்க சுற்றுலா பயணிகள் விரும்புகின்றனர்.

நவம்பர்- ஜனவரி பனிப்பொழிவு காலக்கட்டத்தில் பனிப்பொழிவை ரசிக்கவும் பலரும் ஆர்வம் காட்டுகின்றனர்.

குலு மணாலியை முழுமையாக சுற்றிப்பார்க்க குறைந்தபட்சம் 4 முதல் 5 நாட்கள் தேவைப்படுகிறது.