60 வயதில் மிஸ் யுனிவர்ஸ் பட்டம் வென்று சாதனை படைத்த பெண்!
அர்ஜெண்டினா நாட்டை சேர்ந்த 60 வயது பெண் ஒருவர் மிஸ் யுனிவர்ஸ் பட்டத்தை வென்று அதிக வயதில் பட்டத்தை வென்றவர் என்ற சாதனை படைத்துள்ளார்.
1952-ம் ஆண்டு முதல் மிஸ் யுனிவர்ஸ் ( பிரபஞ்ச அழகி ) போட்டி நடைபெற்று வருகிறது.
போட்டியில் கலந்து கொள்வோரின் வயது வரம்பு 18 முதல் 28 எனவும், திருமணம் ஆகி இருக்க கூடாது எனவும் விதி முறைகள் வகுக்கப்பட்டு இருந்தது.
இதனிடையே கடந்த ஆண்டு முதல் 18 வயது முதல் 73 வயது வரை போட்டியி்ல் கலந்து கொள்ளலாம் என வயதில் விதிமுறைகள் தளர்த்தப்பட்டன.
இதனையடுத்து அர்ஜெண்டினா நாட்டை சேர்ந்தவரும் வழக்கறிஞருமான அலெஜாண்ட்ரா மரிசா ரோட்ரிக்ஸ் என்பவர் மிஸ் யுனிவர்ஸ் போட்டியில் கலந்து கொண்டு வெற்றி பெற்றார்.
60-வது வயதில் அழகிப் போட்டியில் பங்கேற்ற ரோட்ரிகஸ், தனது நேர்த்தியான, நளினமான நடையால் பார்வையாளர்களை வெகுவாக கவர்ந்தார்.
மேலும் அதிக வயதில் மிஸ் யுனிவர்ஸ் பட்டம் வென்ற முதல்பெண் என்ற வரலாற்றையும் படைத்தார். அது மட்டுமில்லாமல் உலகத்தின் கவனத்தையும் ஈர்த்துள்ளார்.
கடந்த 24 ம் தேதி நடைபெற்ற போட்டியில் 18 வயது முதல் 73 வயது வரை உள்ளோர் போட்டியிட்டனர்.
மொத்தம் 34 பேர் இறுதி சுற்றுக்கு தேர்வான நிலையில் அலெஜாண்ட்ரா மரிசா ரோட்ரிக்ஸ் பட்டத்தை வென்றுள்ளார்.