நச்சுகளை நீக்கும் கோவைக்காய்… மங்கைக்கு ஏற்ற காய்!

கோவைக்காயில் இரும்பு, பொட்டாஷியம் சத்துக்கள் அதிகம். எலும்பு வளர்ச்சி, இதயம், ரத்தம், நரம்புகள் சீரான இயக்கத்திற்கு உதவும். இதய நோய் வராமல் தடுக்கிறது.

உடலில் உள்ள நச்சுத் தன்மைகளை நீக்கும் குணம் கொண்டது; அதற்கேற்ற பாக்டீரியா எதிர்ப்பு சக்தி அதிகமாக உள்ளது.

பெண்களுக்கு ஏற்படும் அதிகபட்ச வெள்ளைப்படுதலைக் குணப்படுத்தவும், சிறுநீர் சார்ந்த நோய்களைப் போக்கவும் உதவும்.

தவறான உணவுப் பழக்கங்களால், வயிற்றில் ஏற்படும் சூட்டைத் தணிக்கும் தன்மை கொண்டது. மேலும் ரத்தத்தை சுத்திகரிக்கும்.

உடலில், சிறுநீரக உறுப்பை காக்க கூடியது கோவைக்காய். பெருங்குடல் மற்றும் செரிமான உறுப்புகளில் தேங்கும் கழிவுகளை வெளியேற்றுகிறது.

கல்லீரலுக்கும் நன்மை பயக்கக் கூடியது. குறிப்பாக கல்லீரலில் ஏற்படும் வீக்கத்தை குறைக்கும்.

கோவைக்காயை அடிக்கடி சாப்பிட்டு வந்தால், ரத்தத்தில் சர்க்கரை அளவு கட்டுப்படும். சிறுநீரில் சர்க்கரை சத்து வெளியேறுவதை தடுக்கும்.

கோவைக்காயை பொரியல் செய்து சாப்பிட்டால், செரிமான கோளாறு மற்றும் மலச்சிக்கல் பிரச்னை நீங்கும். உடல் எடையும் குறையும். வயிற்றுப்புண் இருப்பவர்கள், வாரம் 2 நாட்கள் சேர்த்துக் கொள்ளலாம்.