உப்பை குறைத்தால் தொப்பை குறையுமா?

தொப்பை குறைய, உணவில் சேர்க்கும் உப்பின் அளவை குறைக்க வேண்டும். ஏனெனில், அதிக உப்பு, உடல் ஆரோக்கியத்திற்கு கெடுதலானது; கொழுப்பு குறையவும் தடையாக இருக்கும்.

உணவில் பச்சை காய்கறிகளை அதிகம் சேர்க்க வேண்டும். குறிப்பாக, பாகற்காய், முட்டைகோஸ், ப்ரோக்கோலி ஆகியவற்றை ஜூஸ் போட்டு குடித்து வர, எடை குறையும்.

கொழுப்பு அதிகமுள்ள உணவுகளை தொடக்கூடாது. குறிப்பாக சிப்ஸ், பர்கர், பிரெஞ்ச் ஃபிரை ஆகியவற்றை மறந்து விட வேண்டும்.

தியான நிலையில் அமர்ந்து, தினமும், 30 நிமிடம் ஆழ்ந்த மூச்சுப் பயிற்சி செய்யலாம்.

தண்ணீர் அதிகமாக குடிக்கும்போது, உடலில் தங்கியுள்ள தேவையற்ற நச்சுக்கள் வெளியேறும்.

பொட்டாசியம் மற்றும் நார்ச்சத்து அதிகமுள்ள, உணவுகளை டயட்டில் சேர்க்கலாம். நீர்ச்சத்துள்ள பேரிக்காய், தர்பூசணியை சாப்பிட்டால், உடலில் கொழுப்பு சேர்வது குறையும்.

எதற்கெடுத்தாலும், வாகனத்தில் செல்வதை தவிர்த்து, நடந்து சென்றால், கொழுப்பு குறையும், கால்களும் வலுவாகும்.

தினமும் ஒரு மணி நேரம் சைக்கிள் ஓட்டினால், தொப்பை பாதியாக குறைய வாய்ப்புள்ளது.

எப்போதும் மெதுவாக ரசித்து ருசித்து சாப்பிடும்போது, அதிகளவில் சாப்பிடாமல் இருக்கலாம்; தொப்பையையும் தவிர்க்கலாம்.