உடல் சூட்டை குறைக்கும் முளைக்கீரை...

உணவுக்கு அதிகம் பயன்படும் கீரைகளில், முளைக்கீரை முக்கியமானதாகும். அதிக மருத்துவ குணம் கொண்டது.

முளைக்கீரையில் வைட்டமின்கள், தாது உப்புக்கள் அதிகம் உள்ளன. குறிப்பாக, சுண்ணாம்புச்சத்து நிறைய இருக்கிறது. இது எலும்புகளை பலமாக்கும்.

முளைக்கீரையை நன்கு கழுவி சிறிது வெங்காயம், புளி, பச்சை மிளகாய், உப்பு ஆகியவை சேர்த்து வேக வைத்து, கடைந்து, உணவுடன் சேர்த்துச் சாப்பிட்டால் உடல் சூடு குறையும்.

மேலும் ரத்தக்கொதிப்பு, பித்த எரிச்சல் ஆகிய நோய்கள் குணமாகும். அதோடு கண்ணும் குளிர்ச்சியடையும்.

மலச்சிக்கல் உள்ளவர்கள் இக்கீரையை தொடர்ந்து பயன்படுத்தினால் நல்ல பலன் கிடைக்கும்.

முளைக்கீரையை பருப்புடன் நன்கு வேக வைத்து, மசித்து கொடுக்கலாம். இவை உணவுக்குச் சுவையூட்டுவதுடன், பசியையும் தூண்டும்.

முளைக் கீரையைத் தொடர்ந்து சாப்பிடுவதால், சொறி, சிரங்கு முதலிய குணமாகும். தோல் பொலிவாகும். மேலும் இந்த கீரை வெப்ப சுரத்தைத் தணிக்கும்.