ஹெல்த்தியான வாழைப்பூ சட்னி ரெசிபி

தேவையான பொருட்கள்: வாழைப் பூ - 1, தக்காளி - 2, மோர், தண்ணீர், கடுகு, கறிவேப்பிலை, கொத்துமல்லி இலை - சிறிதளவு.

காய்ந்த மிளகாய் - 5, சின்ன வெங்காயம் - 12, பூண்டு, வெள்ளை உளுந்து, எள், நல்லெண்ணை - தேவையான அளவு.

வாழைப்பூவை சுத்தம் செய்து மோர் கலந்த தண்ணீரில் கழுவி வேக வைக்கவும்.

காய்ந்த மிளகாய், உளுந்து, பூண்டு, எள்ளை வறுக்கவும். இவற்றுடன் வெந்த வாழைப்பூ, நறுக்கிய தக்காளி, உரித்த வெங்காயம் போட்டு அரைக்கவும்.

கடாயில் சிறிது எண்ணெய் விட்டு சூடானதும் கடுகு, கறிவேப்பிலை தாளித்து, அரைத்த விழுதை கலக்கி, கொத்தமல்லி இலை துாவி இறக்கினால், ஆரோக்கியமான வாழைப்பூ சட்னி ரெடி.

இட்லி, தோசை, சப்பாத்தி சாதத்துடன் பக்க உணவாக சாப்பிடலாம்.