புதிய 'சூப்பர்' பூமி

சூரிய குடும்பத்துக்கு வெளியே பூமி போன்ற உயிரினங்கள் வாழக்கூடிய கோள்கள் உள்ளனவா என்பது பற்றி அமெரிக்க விண்வெளி மையம் 'நாசா' ஆய்வில் ஈடுபட்டுள்ளது. இதற்காக 'நாசா' அனுப்பியுள்ள 'டெஸ்' செயற்கைக்கோள் சுற்றி வருகிறது. இந்நிலையில் இது புதிய சூப்பர் பூமியை (டி.ஓ.ஐ., 1846) கண்டறிந்துள்ளது. இது நமது பூமியை விட 4.4 மடங்கு பெரியது. மேலும் இதில் தண்ணீர் இருப்பதற்கான அறிகுறியையும் கண்டறிந்துள்ளனர். இது பூமியில் இருந்து 154 ஒளி ஆண்டுகள் தொலைவில் (ஒளி ஆண்டு என்பது ஓராண்டில் ஒளி பயணிக்கும் தொலைவு) உள்ளது.