அமெரிக்காவின் மேரிலாந்தில் உள்ள தேசியத் தரநிலை மற்றும் தொழில்நுட்ப நிறுவனம் (NIST), கடந்த பத்தாண்டுகளாக மேற்கொண்ட ஆய்வில் இதற்கு ஒரு விடையை கண்டுள்ளது. அதீத உணர்திறன் கொண்ட கருவிகளைப் பயன்படுத்தியும்கூட, வெவ்வேறு இடங்களில் உள்ள புவியீர்ப்பு ஆய்வகங்களின் முடிவுகள் ஏன் மாறுபடுகின்றன என்பதை அவர்கள் ஆராய்ந்தனர். கடைசியில், ஆய்வுக்குப் பயன்படும் 'வெற்றிடக் குழாய்களில்' எஞ்சியிருக்கும் மிகச்சிறிய அளவிலான காற்றுத் துகள்களே இந்த அளவீடுகள் மாறுவதற்குக் காரணம் என்பதைக் கண்டறிந்துள்ளனர்.

அண்டவெளியில், கோள்களையும் விண்மீன் திரள்களையும் சுண்டி இழுத்து சுற்றவைக்கும் இந்த ஈர்ப்பு விசை என்ற பேராற்றலை, நவீன அறிவியல் குறைவான துல்லியத்துடனேயே இன்றும் அளவிடுகிறது என்பது ஒரு முரண்பாடுதான். இந்த அளவீடுகளை துல்லியப்படுத்துவது விண்வெளி ஆய்வு, பிரபஞ்சவியல் மற்றும் குவாண்டம் இயற்பியல் ஆகியவற்றின் எதிர்காலத்தையே சற்று மாற்றக்கூடும்.