2. அம்பர் என்பது கட்டியாக மாறிய மரப்பிசின். வரலாற்றில் முதல்முறையாக அன்டார்டிகாவில் இது கண்டுபிடிக்கப்பட்டுள்ளது. ஒருகாலத்தில் இந்தப் பனி கண்டத்திலும் கூட மரங்கள் இருந்துள்ளன என்பதை இந்தக் கண்டுபிடிப்பு உறுதிசெய்கிறது.

3. ஆஸ்திரேலியாவைச் சேர்ந்த கடல் உயிரியல் ஆய்வாளர்கள் தென்கிழக்கு குயின்ஸ்லாந்து கடற்கரையில் புதிய வகை ஹெர்மிட் நண்டைக் கண்டுபிடித்துள்ளனர். இதற்கு ஸ்டிரிகோபகுருஸ் ப்ராகார் செல்லா என்ற விலங்கியல் பெயரைச் சூட்டியுள்ளனர். இவை பொதுவாகக் கடலில் 120 - 260 மீ. ஆழத்தில் வாழ்கின்றன.

4. ஐந்து மில்லி மீட்டருக்கும் குறைவான அளவுள்ள நெகிழிகள், நுண் நெகிழிகள் என்று அழைக்கப்படுகின்றன. இவை உலகின் எல்லா இடங்களையும் மாசுபடுத்தி வருகின்றன. மேகங்களில் உள்ள நுண் நெகிழிகளால் பருவ காலநிலையில் மாற்றம் ஏற்பட்டுள்ளதாக அமெரிக்காவைச் சேர்ந்த பென்சில்வேனியா பல்கலை கூறியுள்ளது.

5. வட பசிபிக் பெருங்கடலின் கிழக்குப் பகுதியில் ஒரு புதிய கடல் நத்தை இனத்தை விஞ்ஞானிகள் கண்டறிந்துள்ளனர். இதற்கு பாத்திதேவியஸ் காவ்டாக்டைலஸ் என்று பெயரிட்டுள்ளனர். இது ஒளிரும் ஆற்றல் பெற்ற நத்தைகளில் ஒன்றாக அடையாளம் காணப்பட்டுள்ளது.