2. 'செரின்' என்ற சத்து, மயிர்க்கால் செல்களை, காயம் ஆற்றும் செல்களாக மாற்றுவதாக, சால்க் இன்ஸ்டிடியூட்டின் ஆய்வு தெரிவிக்கிறது. செரின் சத்துள்ள உணவுகள், செரினை பயன்படுத்தும் புதிய சிகிச்சைகள் வாயிலாக காயங்களை மிக வேகமாக குணப்படுத்த முடியும்.

3. நெதர்லாந்திலுள்ள உட்ரெக்ட் பல்கலை ஆய்வில், எஸ்.ஜி.எல்.டி., 2 வகை மருந்துகள் சிறுநீரகத்தின் கட்டமைப்பையும் ஆற்றலையும் சிதையாமல் காப்பது கண்டுபிடிக்கப் பட்டுள்ளது. இது மனிதர்களின் சிறுநீரகம் மற்றும் இதய ஆரோக்கியத்தைப் பாதுகாக்கும் என ஆய்வு தெரிவிக்கிறது.

4. செடிகள் ஒன்றை யொன்று தொடும்போது, கடும் ஒளியைத் தாங்கும் சமிக்ஞைகளைப் பரிமாறிக்கொள்கின்றன. மேற்கு ஆஸ்திரேலிய பல்கலையின் இந்த ஆய்வு, தாவரங்களுக்கு இடையே இதுவரை அறியப்படாத ஒரு ரகசிய தகவல் தொடர்பு முறை இருப்பதை வெளிப்படுத்தியுள்ளது.

5. சுவிட்சர்லாந்து ஆராய்ச்சியாளர்கள், மரத்திலுள்ள 'லிக்னின்' மூலம் புதிய வெப்பக் காகிதத்தை உருவாக்கியுள்ளனர். நச்சுத்தன்மையுள்ள பிஸ்பெனால் ரசாயனங்களைத் தவிர்த்துள்ள இக்காகிதம், தெளிவான அச்சுடன் சுற்றுச்சூழலுக்கும் பாதுகாப்பான மாற்றாக அமையும்.