2. டோக்கியோவில் உள்ள ஆய்வாளர்கள், ஒரு புத்திசாலி தலையணையை உருவாக்கியுள்ளனர். இது உறங்குபவர்களின் தலை இருக்கும் நிலையை கண்டறிந்து, சரியான கோணத்திற்கு மாற்றுகிறது. இது கழுத்து வலி மற்றும் முதுகெலும்பு பிரச்னைகளைத் தவிர்க்கிறது.

3. தென் கொரியாவின் 'போஸ்டெக்' பல்கலை ஆய்வாளர்கள், ஒரு புதிய கழுத்துப் பட்டையை உருவாக்கியுள்ளனர். இது தொண்டை மற்றும் சருமத்தின் நுட்பமான அசைவுகளை உணர்ந்து பேச்சாக மாற்றித் தருகிறது. குரலிழந்த நோயாளிகளுக்கு இந்தக் கருவி உதவும் என விஞ்ஞானிகள் தெரிவித்துள்ளனர்.

4. ஜப்பான் விண்வெளிக்கு அனுப்பியுள்ள சிறிய கியூப்சாட் செயற்கைக்கோளில், பெரிய ஆன்டெனாவை மடிக்க, காகித மடிப்புக் கலையான 'ஓரிகாமி' முறை பயன்பட்டுள்ளது. இது விண்வெளி சுற்றுப்பாதையில் 25 மடங்கு பெரியதாக விரியும்.

5. அமெரிக்காவிலுள்ள நார்த்வெஸ்டர்ன் பல்கலை விஞ்ஞானிகள், நீரால் நிரப்பப்பட்ட குழாய்களில் சிறிய பிளாஸ்மா மின்னல்களைப் பாய்ச்சுவதன் வாயிலாக, மீத்தேனை மெத்தனால் எரிபொருளாக மாற்றியுள்ளனர். புவி வெப்பமடைதலுக்குக் காரணமான மீத்தேனை ஒரே கட்டத்தில் சுத்தமான எரிபொருளாக மாற்ற இந்த முறை உதவும்.