புனிதமான சிவராத்திரி அன்று, முதல் கால பூஜையின்போது, சோமாஸ்கந்தரையும், இரண்டாம் காலத்தில், தென்முகக் கடவுளான தட்சிணாமூர்த்தியையும், மூன்றாம் காலத்தில், கருவறையின் பின்புறத்தில் உள்ள, லிங்கோத்பவரையும், நான்காம் காலத்தில், ரிஷபாருட மூர்த்தி எனப்படும், சந்திரசேகரரையும் வழிபட வேண்டும் என, சாஸ்திரம் சொல்கிறது.

* காஞ்சிபுரம், கைலாசநாதர் ஆலய கருவறையை சுற்றி, மார்பாலேயே ஊர்ந்து செல்லும்படியாக ஓர் பிரகாரம் அமைந்துள்ளது. இதை, அவ்விதம் வலம் வருபவர் பிறவிப் பிணியில் இருந்து விடுபடுவர் என்பது ஐதீகம். இதை, சொர்க்கப் பிரதட்சணம் என்பர்

* கோதாவரி நதிக்கரையில் உள்ள திரயம்பகேஸ்வரர் இதர சிவலிங்கங்களில் இருந்து மாறுபட்டவர். கருவறையில் உருண்டையான ஒரு பள்ளம் மட்டுமே இருக்கும். அதில், பிரம்மா மற்றும் விஷ்ணுவின் உருவங்கள் கட்டை விரல் அளவில் அமைக்கப்பட்டுள்ளன.

* அரிதான லிங்கம் ஒன்று காஞ்சிபுரத்தில் காணப்படுகிறது. சிவன் - சக்தி ரூபத்தின் ஒருமித்த வடிவமாக அமைந்துள்ள இது, சக்தி லிங்கம் என, அழைக்கப்படுகிறது.