ஜூலை 15 - காமராஜர் பிறந்த நாள்!

படிக்காமல் மேதையாக முடியும் என

உலகறிய வைத்த

தலைவன்!

ஊருக்கு உழைத்து

உறவுகளை வளர்த்த

தலைவன்!

வியர்வை சிந்தி

உழைத்தாலும்

விளம்பரம்

தேடாத தலைவன்!

வேண்டுதல்களை கேட்டு

ஆகட்டும் பார்க்கலாம்

என அனுசரணை

தந்த தலைவன்!

படிக்க வா

சாப்பாடு தருகிறேன்

என பசியாற்றி

கல்வி தந்த தலைவன்!

வாழ்ந்த நாளில்

பிறர் வாழ

உழைத்த

உத்தம தலைவன்!

நாடும் மக்களுமே

சொந்தம் என

சொத்துகள் சேர்க்காத

சொக்க தங்க தலைவன்!

இத்தனையும் ஒருங்கே

பெற்ற தலைவன் யாரென்றால்

காமராஜர் என

நினைவுக்கு வருவதே - அந்த

தலைவன் பெற்ற வரம்!



- அ.ரவீந்திரன், குஞ்சன்விளை, கன்னியாகுமரி மாவட்டம். தொடர்புக்கு: 9976679612