ADDED : ஜூன் 27, 2022 02:26 PM

* பூஜையறையில் வேல் வைத்து, அதற்கு கார்த்திகை தோறும் பால் அபிஷேகம் செய்பவருக்கு பணியிடத்தில் உள்ள அவரது பிரச்னை தீரும்.
* பணம், புகழை பெறுவதற்காக துாக்கம், உணவை அலட்சியப்படுத்தாதீர். உடல் நலனில் அக்கறை கொள்வதும் ஆன்மிகமே!
* ஆகாயத்தில் பறவைகளும், நீரில் மீன்களும் சென்ற வழி நமக்கு தெரியாது. அதுபோலவே ஒருவர் செய்யும் தர்மமும் வெளியே தெரியாமல் இருப்பது நல்லது.
* பிறர் நன்றாக இருக்க வேண்டும் என நினைத்தாலே மகாலட்சுமியின் அருள் கிடைத்துவிடும்.
* கோயில் பிரகாரத்தை வேகமாகவும், பிறருடன் பேசியபடியும் வலம் வரக்கூடாது.
* மனைவி கர்ப்பமாக இருக்கும்போது கணவன் பிறரிடம் இருந்து தானம் வாங்கக்கூடாது.
* தானம் வாங்கிய பொருளை நல்வழியில் பயன்படுத்துங்கள். அப்போதுதான் தானம் வாங்கிய பாவம் உங்களை விட்டு நீங்கும்.
* பெரியவர்களின் காலை தொட்டு, அவர்களிடம் ஆசி வாங்குவோரின் சக்தி அதிகரிக்கும்.
* தெற்கு பார்த்தபடி அமர்ந்து பூஜை செய்யாதீர்கள்.
* வீடு தேடி வந்தோருக்கு உணவு கொடுங்கள். அதுதான் நீங்கள் தேடிய புண்ணியங்களை காக்கும்.
