கார்த்திகை மாத சிறப்புகள் பற்றியும், அதில் என்னென்ன வழிபாடுகள் செய்யலாம் என்பதை பார்ப்போம்.

* சிவனுக்கு நெய்யினால் அபிஷேகம் செய்து, வில்வத்தால் அர்ச்சனை செய்தால் குடும்பத்தில் மகிழ்ச்சி பொங்கும்.

* தினமும் சூரிய உதயத்தின் போது நீராடுபவர்கள், சகல புண்ணிய தீர்த்தங்களிலும் நீராடிய பலனை அடைவர்.

* விஷ்ணு பகவானை புஷ்பங்களால் அர்ச்சித்து வழிபட்டால் மோட்சம் கிடைக்கும்.

* இந்த மாதத்தில் விளக்கு தானம் செய்தால் பிரம்மஹத்தி முதலான தோஷம் தீரும்.

* இம்மாதம் முழுவதும் விரதம் இருந்தால், சகல பாவங்களில் இருந்து விடுபட்டு விஷ்ணு பாதத்தை அடையலாம்.

* கார்த்திகை பவுர்ணமியுடன் கார்த்திகை நட்சத்திரம் வரும்நாள் திருக்கார்த்திகை. இந்நாளில் தீபம் ஏற்றி முருகப்பெருமானை வழிபட்டால் பாவம் தீரும்.

* இம்மாதத்தில் கோயிலில் தீபமும், வீடுகளில் இரு வேளைகளில் விளக்கேற்றினால் நமது வாழ்வு ஒளிமயமாகும். இயலாதவர்கள் துவாதசி, சதுர்த்தசி, பவுர்ணமி ஆகிய நாளில் மட்டுமாவது ஏற்ற வேண்டும்.

* முருகப்பெருமானுக்கு சந்தனம் அபிஷேகம் செய்து வழிபட்டால் குழந்தை பாக்கியம் கிடைக்கும்.

* வேதம் அறிந்தவர்களுக்கு தானம் கொடுத்தால், வீட்டில் தடைப்பட்ட சுபநிகழ்ச்சிகள் இனிதாக நிறைவேறும்.

* கார்த்திகை பவுர்ணமியில் கிரிவலம் செல்வது சிறப்பு. இந்நாளில் திருவண்ணாமலையை இந்திரன், வருணன், வாயு, குபேரன், எமன், தேவர்கள், ரிஷிகள், முனிவர்கள் வலம் வந்திருக்கிறார்கள்.

* கார்த்திகை சோமவாரத்தில் விரதம் இருந்தால் பாவம் தீரும். காவிரியில் நீராடி தீபம், தானியம், பழங்களை தானம் செய்தால் செல்வம் சேரும். நெல்லிக்கனியை தானம் செய்தால் உயர் பதவி கிடைக்கும்.