* மக்களுக்கு பொதுவான நீதிகளை சொல்லும் நுால்களில் முதன்மையானது உலகநீதி. இதன் ஆசிரியர் உலகநாதர். இவர் 18ம் நுாற்றாண்டைச் சார்ந்தவர். இவர் ஒரு முருகபக்தர். இவரைப்பற்றிய வேறு தகவல் எதுவும் இன்று வரை கிடைக்கவில்லை.

* தினந்தோறும் படிக்காமல் இருக்க கூடாது, பிறரைப்பற்றி புறம் கூறக்கூடாது... எனத்தொடங்கும் இந்நுாலில் உள்ள பாடல்களை எதிர்மறையாக தந்து, படிப்பவர் மனதில் பதிய வைக்கிறார் ஆசிரியர். இவற்றில் உள்ள பாடல்களை குழந்தைகளுக்கு சொல்லிக் கொடுத்தால் அவர்களின் எதிர்காலம் சிறக்கும்.

* மாதாவை ஒருநாளும் மறக்க வேண்டாம். மதியாதார் தலைவாசல் மிதிக்க வேண்டாம் என்பது ஒருவர் நிம்மதியாக வாழ்வதற்கான கருத்துகள் ஆகும்.

* இயல்பாக பேசும் போது ஒருவருக்கு கோபம், பொய்சொற்கள், இன்னாசொல் (தீயவார்த்தை) கூடாது என்கிறார்.

* துணிவெளுப்பவர், முடிதிருத்துபவர், கல்வியை கற்றுக்கொடுத்த ஆசிரியர், மகப்பேறு பார்த்த மருத்துவச்சி, நோய் நீக்கம் செய்யும் மருத்துவராகிய இந்த ஐவருடைய வருமானத்தை தடை செய்பவர்கள் யாராயினும் அவர்கள் எமனால் துன்பப்படுவார்கள் என்கிறார்.

* வடலுார் ராமலிங்கருக்கு உலக நீதி பாடலை சொல்லிக் கொடுத்தார் ஆசிரியர். அதற்கு அவரோ! ''ஒருமையுடன் நினது திருவடி நினைக்கின்ற உத்தமர் தம் உறவு வேண்டும்'' எனத்தொடங்கும் பாடலை பாடினார் என்பர். முருகன், வள்ளி பெருமையை கூறும் உலக நீதியை பின்பற்றினால்... வாழ்வில் உயரலாம். உலகம் போற்ற வாழலாம்.